USD 434.24 EUR 492.69
RUB 5.67 CNY 68.46
جاڭالىقتار

الماتىدا ۇجىمدىق بىتىمگەرشىلىك كۇشتەرىنىڭ اسكەري قىزمەتشىلەرىن شىعارىپ سالۋ ءراسىمى ءوتتى

13 قاڭتار 17:55
:ءبولىسۋ
الماتىدا ۇجىمدىق بىتىمگەرشىلىك كۇشتەرىنىڭ اسكەري قىزمەتشىلەرىن شىعارىپ سالۋ ءراسىمى ءوتتى

الماتى. قازاقپارات - الماتىدا ۇجىمدىق بىتىمگەرشىلىك كۇشتەرىنىڭ اسكەري قىزمەتشىلەرىن شىعارىپ سالۋ راسىمىندە قالا اكىمى باقىتجان ساعىنتايەۆ ءسوز سويلەدى.

وندا ول ۇ ق ش ۇ- عا قاتىسۋشى بارلىق مەملەكەتتەر ق ر پرەزيدەنتى قاسىم- جومارت توقايەۆتىڭ كونستيتۋتسيالىق ءتارتىپتى ورناتۋعا جانە تەرروريستىك قاۋىپ- قاتەردى جەڭۋگە جاردەمدەسۋ ءۇشىن بىتىمگەرشىلىك كونتينگەنتىن تارتۋ تۋرالى ۇندەۋىن ءبىراۋىزدان قولداعانىن ەسكە سالدى، دەپ حابارلايدى قازاقپارات ءتىلشىسى.


قالا اكىمىنىڭ ايتۋىنشا، بۇل كۇندەرى بىتىمگەرلەر اۋقىمدى جۇمىس اتقاردى.

«ءبىرىنشى كەزەكتە ماڭىزدى مەملەكەتتىك جانە ستراتەگيالىق وبەكتىلەردىڭ كۇزەتى مەن قورعانىسىن كۇشەيتۋ بويىنشا بەكىتىلگەن ۋچاسكەلەردە قۇقىقتىق ءتارتىپتى ساقتاۋعا كومەك كورسەتىلدى. مۇنىڭ ءبارى الماتىداعى جاعدايدى تۇراقتاندىرۋدا ۇلكەن ءرول اتقاردى»، - دەپ اتاپ ءوتتى ول.


سونداي- اق، باقىتجان ساعىنتايەۆ قالانىڭ تىنىس- تىرشىلىگىنىڭ بارلىق سالالارىن قالپىنا كەلتىرۋ جۇمىستارى قارقىندى ءجۇرىپ جاتقانىن ايتتى.

ەسكە سالساق، بۇگىن الماتىدا ۇجىمدىق بىتىمگەرشىلىك كۇشتەرىنىڭ اسكەري قىزمەتشىلەرىن شىعارىپ سالۋ ءراسىمى ءوتتى. وعان ۇ ق ش ۇ- نىڭ باس حاتشىسى ستانيسلاۆ زاس، قازاقستان رەسپۋبليكاسى قورعانىس ءمينيسترىنىڭ ورىنباسارى گەنەرال- مايور مۇحامەدجان تالاسوۆ، الماتى قالاسىنىڭ اكىمى باقىتجان ساعىنتايەۆ قاتىستى.

اۆتور: دۋمان ارعىنگەلدى




:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات