الماتىدا اكىمدىك عيماراتىن تازارتۋ جۇمىستارى باستالدى

None
None
الماتى. قازاقپارات - الماتىدا قالالىق اكىمدىكتى تازارتۋ جۇمىستارى باستالدى. بۇل تۋرالى اكىمدىكتىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.

اكىمدىك تاراتقان اقپاراتقا سايكەس، بۇگىن قالالىق اكىمدىك عيماراتىن ورتتەن كەيىن تازارتۋ جۇمىستارى باستالدى. وعان شامامەن 660 ادام جۇمىلدىرىلىپ، جاقىن ارادا تازارتۋ جۇمىستارى اياقتالادى. قيراعان جيھاز، كەڭسە تەحنيكاسى، قوقىس جينالىپ، كادەگە جاراتۋ ءۇشىن پوليگوندارعا شىعارىلادى. تازالاۋ قاۋىپسىزدىك تەحنيكاسىن ساقتاي وتىرىپ جۇرگىزىلەدى. بوگدە ادامداردىڭ قاۋىپسىزدىگىن قامتاماسىز ەتۋ ماقساتىندا عيماراتقا جانە ىرگەلەس اۋماققا كىرۋگە تىيىم سالىنادى. قالپىنا كەلتىرۋ جۇمىستارى تازارتۋدان كەيىن بىردەن باستالادى.

اۆتور: دۋمان ارعىنگەلدى

سوڭعى جاڭالىقتار