USD 434.34 EUR 491.93
RUB 5.56 CNY 68.67
جاڭالىقتار

تالعات قاليەۆ دەپۋتاتتار مەن شەنەۋنىكتەردىڭ ەڭبەكاقىسىن كوتەرۋدەگى موراتوري تۋرالى پىكىر ءبىلدىردى

13 قاڭتار 17:16
:ءبولىسۋ
تالعات قاليەۆ دەپۋتاتتار مەن شەنەۋنىكتەردىڭ ەڭبەكاقىسىن كوتەرۋدەگى موراتوري تۋرالى پىكىر ءبىلدىردى

نۇر- سۇلتان. قازاقپارات - قولدانبالى ەتنوساياسي زەرتتەۋلەر ينستيتۋتىنىڭ ديرەكتورى تالعات قاليەۆ دەپۋتاتتار مەن شەنەۋنىكتەردىڭ ەڭبەكاقىسىن كوتەرۋگە بەس جىلدىق موراتوري تۋرالى پىكىر ءبىلدىردى، دەپ حابارلايدى قازاقپارات.

«بۇگىندە بايلار مەن كەدەيلەردىڭ اراسىندا، جوعارى جانە تومەن جالاقى الاتىندار اراسىندا الشاقتىق بار. مەنىڭ ويىمشا، پرەزيدەنت قاسىم- جومارت توقايەۆ بۇل شەشىمدى ەتيكالىق تۇرعىدان قابىلدادى. جالاقىسى وتە تومەن ماماندىقتار بار كەزدە مينيسترلەردىڭ تىم جوعارى جالاقى الۋعا جانە ونى تۇراقتى تۇردە كوتەرىپ وتىرۋعا قۇقىعى جوق. بۇل شەشىم وسى ولقىلىقتى جويۋ ماقساتىندا قابىلداندى»، - دەدى ت. قاليەۆ نۇر- سۇلتانداعى ۇلتتىق قوعامدىق سەنىم كەڭەسى مۇشەلەرىنىڭ وتىرىسىنان كەيىن تىلشىلەرگە بەرگەن سۇحباتىندا.

سونىمەن بىرگە، ت. قاليەۆ بۇل موراتوريدىڭ قاراپايىم مەملەكەتتىك قىزمەتشىلەرگە قاتىستى بولماۋى كەرەگىن، ولاردىڭ جالاقىسىن كوتەرىپ، دارىندى باسشىلار ءۇشىن سىيلىقتار مەن بونۋستار جۇيەسىن قاراستىرۋدى ايتتى.

«ەگەر ولار ءوز سالالارىندا ايتارلىقتاي وزگەرىستەرگە قول جەتكىزە السا، وندا حالىق بۇل تالانتتى باسشىلاردىڭ بونۋستار الۋىنا قارسى بولمايدى، ال ەگەر ەشتەڭەنى ىسكە اسىرا الماسا، وندا ماراپات پەن بونۋس بەرۋدىڭ دە ءجونى جوق»، - دەدى ول.

تالعات قاليەۆ حالىقتى پرەمەر- مينيسترلەردىڭ دە، مينيسترلەردىڭ دە جەكە باسى الاڭداتپاۋى كەرەك دەگەن پىكىر ءبىلدىردى.

«حالىققا ءوزىن- ءوزى تانىتۋعا، بيزنەسپەن اينالىسۋعا، ەڭبەك ەتۋ قۇقىعىن ىسكە اسىرۋعا بارلىق جاعداي جاسالۋى ءتيىس، قولايلى باعالار مەن جالاقىنىڭ قولايلى دەڭگەيى بولۋى كەرەك»، - دەدى ساراپشى.

ەسكە سالا كەتسەك، مەملەكەت باسشىسى قاسىم- جومارت توقايەۆ ءماجىلىستىڭ جالپى وتىرىسىندا دەپۋتاتتار مەن اكىمدەردىڭ ەڭبەكاقىسىن كوتەرۋگە بەس جىلدىق موراتوري جاريالادى.

اۆتور: ايجان سەرىكجان قىزى


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات