كارىم ماسىموۆكە جاڭا ايىپ تاعىلدى

نۇر- سۇلتان. قازاقپارات - قازاقستان رەسپۋبليكاسى ۇلتتىق قاۋىپسىزدىك كوميتەتى ۇ ق ك- ءنىڭ بۇرىنعى ءتوراعاسى ك. ق. ماسىموۆكە قاتىستى مەملەكەتكە وپاسىزدىق جاساۋ فاكتىسى بويىنشا سوتقا دەيىنگى تەرگەۋدى جالعاستىرۋدا.

وسى ءىستىڭ شەڭبەرىندە بيلىكتى كۇشپەن باسىپ الۋعا جانە لاۋازىمدىق وكىلەتتىكتەرىن اسىرا پايدالانۋعا باعىتتالعان ءىس- ارەكەتتەر فاكتىلەرى بويىنشا قوسىمشا سوتقا دەيىنگى تەرگەپ- تەكسەرۋلەر باستالدى، دەپ حابارلايدى قازاقپارات ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ.

بۇعان دەيىن كوميتەتتىڭ بۇرىنعى باسشىسىنا قاتىستى مەملەكەتكە وپاسىزدىق جاساۋ فاكتىسى بويىنشا قىلمىستىق ءىس قوزعالعان ەدى.

اتالعان قىلمىستاردى جاسادى دەگەن كۇدىكپەن ك. ماسىموۆتەن باسقا ۇ ق ك ءتوراعاسىنىڭ بۇرىنعى ورىنباسارى - «ا» ارنايى ماقساتتاعى قىزمەتىنىڭ باستىعى ا. سادىقۇلوۆ پەن ۇ ق ك ءتوراعاسىنىڭ بۇرىنعى ورىنباسارى د. ەرعوجين ۇستالدى. تەرگەۋ جالعاسۋدا.