كاسىپكەرلەر قيراعان عيماراتتاردى قالپىنا كەلتىرۋگە كومەكتەسۋى كەرەك - يسلامبەك سالجانوۆ
بۇل تۋرالى ۇلتتىق قوعامدىق سەنىم كەڭەسىنىڭ مۇشەسى، «Аltyn Kyran» حالىقارالىق قايىرىمدىلىق قورىنىڭ پرەزيدەنتى يسلامبەك سالجانوۆ ايتتى، دەپ حابارلايدى قازاقپارات.
«شىن مانىندە ءبىزدىڭ ەلىمىز قايعىلى وقيعانى باستان وتكەردى. پرەزيدەنتتىڭ باتىل شەشىمىنىڭ ارقاسىندا ءوز تاۋەلسىزدىگىمىزدى ساقتاي الدىق. ارينە، بولاشاقتا مۇنداي جاعدايدىڭ قايتالانۋىنا جول بەرمەۋىمىز كەرەك. پرەزيدەنت ق ر پارلامەنتى ءماجىلىسىنىڭ وتىرىسىندا ەرەكشە ۇندەۋ جاسادى. ءبىز ءبارىمىز، سونىڭ ىشىندە كاسىپكەرلەر دە جاڭا قازاقستاندى قۇرۋ ءۇشىن مەملەكەت باسشىسىنىڭ رەفورمالارىن قولداۋعا ءتيىسپىز. قازىر ءبارى ارتتا قالدى. پرەزيدەنت ءوز سوزىندە 30 جىلدا كوپتەگەن الەۋمەتتىك- ەكونوميكالىق پروبلەمالار قوردالانعانىن، ولاردىڭ دا قازىرگى جاعدايعا تۇرتكى بولعانىن ايتتى. مەملەكەت باسشىسىنىڭ الەۋمەتتىك باعدارلانعان جاڭا قازاقستاندى قۇرۋىمىز كەرەك دەگەن جاڭا ۇندەۋى ايتىلدى، بۇل تۇرعىدا حالىقتىڭ ارمان- ءۇمىتى مەن قاجەتتىلىكتەرى، الەۋمەتتىك ادىلەت ءبىرىنشى ورىندا بولۋى ءتيىس»، - دەپ اتاپ ءوتتى ي. سالجانوۆ.
سول سەبەپتى سپيكەر ەڭ الدىمەن، قازاقستان تاۋەلسىزدىگىنىڭ ارقاسىندا 30 جىلدا قالىپتاسقان كاسىپكەرلەر پرەزيدەنتتىڭ اينالاسىنا بىرىگىپ، ءبىرىنشى كەزەكتە قيراعان عيماراتتار مەن نىسانداردى قالپىنا كەلتىرۋگە، جاڭا قازاقستاننىڭ دامۋىنا ءوز ۇلەسىن قوسۋعا ءتيىس دەپ ەسەپتەيدى.
«ءبىرىنشى كەزەكتە، بۇل پرەزيدەنت ايتقان ءىرى كومپانيالارعا تىكەلەي قاتىستى، ولار شىن مانىندە باقۋاتتى جانە قازاقستاننىڭ قاراپايىم حالقىنا بەت بۇرۋعا مۇمكىندىگى بار. وعان ءبىزدىڭ حالقىمىز ابدەن لايىق. ءبىز بارلىق جيناقتالعان ماسەلەلەردى شەشۋىمىز كەرەك. جەكە ءوزىم قازاقستاننىڭ دامۋىندا جاڭا ءداۋىر باستالىپ جاتقانىنا سەنەمىن»، - دەدى يسلامبەك سالجانوۆ.
ايتا كەتەيىك، ورتالىق كوممۋنيكاتسيالار قىزمەتىندە ۇلتتىق قوعامدىق سەنىم كەڭەسىنىڭ مۇشەلەرى مەملەكەت باسشىسىنىڭ قازاقستان حالقىنا ۇندەۋىندە ايتىلعان باستامالارىن تالقىلادى.
اۆتور: ايجان سەرىكجان قىزى