كوروناۆيرۋس ەندەميالىق ينفەكسياعا اينالىپ جاتىر - د د س ۇ
بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ (د د س ۇ) شۇعىل اۋرۋلار ءبولىمىنىڭ تەحنيكالىق توبى جەتەكشىسى ماريا ۆان كەركحوۆە ايتتى، - دەپ حابارلايدى Tengrinews.kz ءتىلشىسى ۇيىمنىڭ YouTube-ارناسىنا سىلتەمە جاساپ.
ۇيىم ساراپشىسى پاندەميانى بولجاۋ قيىنداپ بارا جاتقانىن ايتتى. ويتكەنى ۆيرۋس مۋتاتسياعا ۇشىراپ، وزگەرىپ جاتىر.
«ۆيرۋس ەندەميا سيپاتىنا اينالىپ جاتىر. بۇل انىق. دەگەنمەن قازىر پاندەميا بەلەڭ الىپ تۇر: سىرقاتتانۋشىلىق كورسەتكىشى ءوسىپ بارادى، وعان قوسا ەلدەردىڭ دەنساۋلىق ساقتاۋ جۇيەسىنە دە اۋىرتپالىق تۇسەدى. ول كەزەڭگە ءالى جەتكەن جوقپىز»، - دەدى ساراپشى.
ۆان كەركحوۆە ەلدەر ۆيرۋسقا قارسى ءارتۇرلى تاسىلمەن كۇرەس جۇرگىزەتىنىن، سوندىقتان COVID-19 پاندەمياسى قالاي داميتىنىن بولجاۋ قيىن ەكەنىن ايتتى.
«تۇماۋ جانە باسقا دا ماۋسىمدىق ينفەكسيالار سياقتى بولجام جوق. مۇمكىن ونى جاسارمىز، ءبىراق قازىر ەمەس»، - دەپ ءتۇسىندىردى جۇقپالى اۋرۋلار مامانى.