09:58, 13 - قاڭتار 2022 | GMT +6
قۋات حاميتوۆ مانسابىن اياقتادى
نۇر-سۇلتان.قازاقپارات -قازاقستاندا بولىپ جاتقان وقيعالارعا ءوز ۇستانىمىن بىلدىرگەنى ءۇشىن ومون قىزمەتكەرلەرى ۇستاعان قۋات حاميتوۆ مانسابىن اياقتاعانىن مالىمدەدى، دەپ حابارلايدى rosports.kz.
11-قاڭتاردا تانىمال سپورتشىنى ۇيىنەن ومون قىزمەتكەرلەرى ۇستاپ اكەتىپ، بىرنەشە ساعات قاماۋدا بولعان. ەرتەسىنە سپورتشىنى بوساتقان سوڭ ونىڭ ساۋ جەرى جوق فوتوسى جەلىدە تارادى. اناسىنىڭ ايتۋىنشا، قۋات حاميتوۆتى ۇستاۋدا بولعاندا اياۋسىز تاياققا جىققان.
بۇگىن Instagram-پاراقشاسىندا سپورتشى ءوزىن نەگە ۇستاپ اكەتكەنىن تۇسىنبەيتىنىن مالىمدەدى. وعان قوسا، قۇقىق قورعاۋشى ورگانداردىڭ ءىس- ارەكەتى زاڭسىز بولعانىن ايتتى. ءسوز سوڭىندا قۋات حاميتوۆ ءالى 5 جىل جۇدىرىقتاسۋدى جوسپارلاعانىن، الايدا سوڭعى بولعان جاعدايلارعا بايلانىستى مانسابىن اياقتايتىنىن جەتكىزدى.