USD 427.84 EUR 443.8
RUB 6.67 CNY 63.02
جاڭالىقتار

ماجىلىستە سپورتتاعى سىبايلاس جەمقورلىق جانجالدارىنا قاتىستى ماسەلە كوتەرىلدى

12 قاڭتار 14:25
:ءبولىسۋ
ماجىلىستە سپورتتاعى سىبايلاس جەمقورلىق جانجالدارىنا قاتىستى ماسەلە كوتەرىلدى

نۇر-سۇلتان. قازاقپارات - ءماجىلىستىڭ جالپى وتىرىسىندا دەپۋتاتتار سپورتتاعى سىبايلاس جەمقورلىق جانجالدارىنا قاتىستى شارا قابىلداۋدى سۇراپ، سپورتشىلاردى قورعاۋعا قاتىستى ءتيىستى قادامدار جاسالۋى كەرەك ەكەنىن ايتتى، دەپ حابارلايدى قازاقپارات ءتىلشىسى.

«الەۋمەتتىك جەلىلەردە سوزىلمالى سيپاتقا يە سپورتتىق ورتادا، ونىڭ ىشىندە قازاقستان جاقسى ناتيجەلەرگە جەتەدى دەپ سەنەتىن سپورت تۇرلەرى بويىنشا سىبايلاس جەمقورلىق جانجالدارى ءجيى جاريالانىپ كەلەدى. سىبايلاس جەمقورلىق قىلمىستارىنىڭ اراسىندا سپورتتى دامىتۋعا بولىنگەن بيۋدجەت قاراجاتىن جىمقىرۋ، سپورتشىلاردان ولاردى دايىنداۋ مەن ونەر كورسەتۋگە بولىنگەن اقشانى قورقىتىپ الۋ قىلمىستارى دا بار. ماسەلەن، 2021 -جىلدىڭ قازان ايىندا فريستايلدان ۇلتتىق قۇراما سپورتشىسى الەكساندر گەبەرت جانە باسقا سپورتشىلاردى ولارعا تۇسكەن تاۋلىكتىك قاراجاتتى باس باپكەردىڭ جەكە شوتىنا اۋدارۋعا باس تارتۋلارىنا بايلانىستى قۇرامادان شىعارىلعان كەزدە جانجال تۋىندادى. بەينە حابارلامادان كورىنىپ تۇرعانداي، جۇمىستان بوساتۋ 2020 -جىلى ورىن الىپ، سپورتشىنىڭ كاسىبي جارامسىزدىعىنا سىلتەمە جاسالدى»، - دەدى دەپۋتات اندرەي ليننيك باس پروكۋراتۋراعا جولداعان ساۋالىندا.

ونىڭ ايتۋىنشا، ءوز كەزەگىندە باس جاتتىقتىرۋشى داۋ-داماي تۋرالى كوزقاراسىن ايتىپ، جاتتىقتىرۋشىلار كوبىنەسە ءوز ەسەبىنەن سپورتشىلاردىڭ تاماقتانۋىن، كەيدە تۇراتىن جەرىن تولەۋگە ءماجبۇر بولاتىندىعىن ءتۇسىندىردى. وسىعان بايلانىستى ول سپورتشىلاردان شىعىنداردى وتەۋدى سۇراعان.

«جاتتىقتىرۋشىنىڭ پىكىرىنشە، بۇل جاعداي ءبىزدىڭ سپورتتا كەڭ تارالعان قۇبىلىس. الايدا، ايەل جاتتىقتىرۋشى سپورتشىمەن سويلەسۋدە ادەپسىز سوزدەردى قولدانىپ، ونى قورلاعان. بۇل ديالوگتاردىڭ اۋديو جازباسى الەۋمەتتىك جەلىلەردە تاراپ، قوعامدا نارازىلىق تۋدىردى. وسى ورايدا مۇنداي شىعىندارعا بيۋدجەتتەن بولىنگەن قاراجات قايدا كەتتى؟ مادەنيەت جانە سپورت مينيسترلىگىنىڭ جاتتىقتىرۋشىنىڭ ورىنسىز مىنەز- قۇلقىنا رەاكتسياسى قايدا؟ ەڭ قاۋىپتىسى، تۇسىنىكتەمەلەرگە سۇيەنسەك، بۇل جاعداي ءتىپتى ەرەكشەلىك ەمەس، بۇل جاعداي - قازاقستاندىق سپورت ءۇشىن ەرەجە»، - دەدى دەپۋتات.

سونىمەن قاتار ول وتكەن جىلدىڭ قاراشا ايىندا ستەپنوگور قالاسىنداعى وليمپيادا رەزەرۆىنىڭ مەكتەپ- ينتەرناتىندا جانجال بولعانىن ەسكە سالدى. «سپورتتاعى سىبايلاس جەمقورلىق ماسەلەسى شەشىلمەيىنشە، بولاشاعى بار جاستاردىڭ تاعدىرى بۇزىلا بەرەدى، ال قازاقستاندىق سپورت ءوز چەمپيوندارىن ءوسىرۋدىڭ ورنىنا دايىن شەتەلدىك لەگيونەرلەردى «يمپورتتايتىن» بولادى»، - دەدى اندرەي ليننيك.

باياندالعاننىڭ نەگىزىندە، «اق جول» دەپۋتاتتىق فراكسياسى كەلەسىلەردى سۇرايدى:

1) ستەپنوگورسك قالاسىنداعى سپورت مەكتەپ- ينتەرناتىندا بالالاردى قورقىتۋ جانە ۇرىپ- سوعۋ فاكتىلەرى بويىنشا قانداي شارالار قابىلدانعانىن حابارلاۋ؛

2) بارلىق مەكتەپ- ينتەرناتتاردى الىمجەتتىك جانە قورقىتۋ فاكتىلەرىنە تەكسەرۋ جۇرگىزۋ، بالالاردى قورلىق پەن بوپسالاۋدان قورعاۋ؛

3) فريستايلشى گەربەرتتىڭ ءوتىنىشى بويىنشا تەكسەرۋ ناتيجەلەرى تۋرالى حاباردار ەتۋ نەمەسە ەگەر ول ءالى جۇرگىزىلمەگەن بولسا، ونى جۇرگىزۋ؛

4) البەرت ليندەردىڭ وزىنە-ءوزى قول جۇمساۋداعى جاتتىقتىرۋشىلاردىڭ ءرولىن جانە ولاردىڭ زاڭدى ءارى مورالدىق قۇقىعىن، سونداي- اق اۋىر اتلەتيكا قۇراماسىنىڭ جۇمىسىن ودان ءارى باسقارۋىن ايقىنداۋ.

ەسكە سالا كەتەيىك، وتكەن جىلى قىركۇيەك ايىندا قازاقستاننىڭ اۋىر اتلەتيكا فەدەراتسياسى سپورتشى البەرت ليندەردىڭ قازاسىنا قاتىستى جايتقا وراي رەسمي مالىمدەمە جاسادى.

اۆتور: رۋسلان عابباسوۆ


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز

مۇراعات