اۋىل شارۋاشىلىعى تاۋارىن وندىرۋشىلەرگە جەڭىلدىكتى كرەديت بەرىلەدى
نۇر- سۇلتان. قازاقپارات - اۋىل شارۋاشىلىعى تاۋارىن وندىرۋشىلەرگە 150 ميلليارد تەڭگە جەڭىلدىكتى كرەديت بەرىلەدى.
بۇل تۋرالى ۇكىمەت وتىرىسىندا ق ر اۋىل شارۋاشىلىعى ءمينيسترى ەربول قاراشوكەيەۆ ءمالىم ەتتى، دەپ حابارلايدى قازاقپارات ءتىلشىسى.
«ازىقپەن قامتاماسىز ەتۋ ماسەلەسىن جۇيەلى شەشۋ ماقساتىندا ازىقپەن قامتاماسىز ەتۋ سالاسىن دامىتۋدىڭ 2022-2025 -جىلدارعا ارنالعان جول كارتاسى ازىرلەنىپ، ىسكە اسىرىلۋدا. جول كارتاسى اياسىندا ازىق- تۇلىكپەن قامتاماسىز ەتۋ جانە اۋا رايى فاكتورلارىنىڭ اۋىل شارۋاشىلىعى وندىرىسىنە تەرىس اسەرىن نيۆەليرلەۋ ماسەلەسىن شەشۋ ماقساتىندا ەگىنشىلىكتى ناقتى ءارتاراپتاندىرۋ كوزدەلەدى»، - دەدى مينيستر.
ونىڭ اتاپ وتىنشە، وسى جىلدىڭ كوكتەمگى دالا جۇمىستارىن ۋاقتىلى جانە ساپالى جۇرگىزۋ ماقساتىندا مينيسترلىك بارلىق قاجەتتى ءىس- شارالاردى قابىلداۋدا. مينيسترلىكتە وڭىرلەردەگى كوكتەمگى ەگىستى جۇرگىزۋ جۇمىستارىن ۇيلەستىرۋ بويىنشا جەدەل شتاب قۇرىلدى.
«اگروونەركاسىپتىك كەشەن سۋبەكتىلەرىن قولداۋ جونىندەگى ءىس- شارالاردى جۇرگىزۋ ءۇشىن اۋىل شارۋاشىلىعى تاۋارىن وندىرۋشىلەرگە «كەڭ دالا» باعدارلاماسى ارقىلى 70 ميلليارد تەڭگە كولەمىندە جانە ازىق- تۇلىك كەلىسىمشارت كورپوراتسياسىنىڭ فورۆاردتىق ساتىپ الۋى ارقىلى 80 ميلليارد تەڭگە كولەمىندە جەڭىلدىكتى كرەديت بەرىلەتىن بولادى»، - دەدى ەربول قاراشوكەيەۆ.
- ءبىر جىلدا باعا 13,2 پايىزعا ءوستى - ۇلتتىق بانك
- زەينەت جاسىن تومەندەتۋ ماسەلەسىن جىل سوڭىندا تالقىلايمىز - ەرالى توعجانوۆ
- ءاليحان سمايىلوۆ ەكونوميكانى دەمونوپوليزاتسيالاۋ جۇمىسىن جالعاستىرۋدى تاپسىردى
- جاڭا وقۋ جىلىنان باستاپ ۇلدار مەن قىزدار دەنە شىنىقتىرۋ ءپانىن بولەك وتەدى
-
مەملەكەت باسشىسىنىڭ تۋعان كۇنىنە وراي قۇتتىقتاۋلار كەلىپ جاتىر
-
ەلوردالىق پوليتسەيلەر بانك الاياقتارىنىڭ قالاي الدايتىنىن ءتۇسىندىردى