USD 429.57 EUR 447.35
RUB 6.94 CNY 63.23
جاڭالىقتار

ۇلتتىق بانك ينفلياتسيانى باقىلاۋ شارالارى كەشەنىن قابىلدايدى

12 قاڭتار 09:28
:ءبولىسۋ
ۇلتتىق بانك ينفلياتسيانى باقىلاۋ شارالارى كەشەنىن قابىلدايدى

نۇر- سۇلتان. قازاقپارات – ق ر ۇلتتىق بانكىنىڭ ءتوراعاسى ەربولات دوسايەۆ ۇكىمەت وتىرىسىندا ينفلياتسيانى 2025 –جىلى %3-4 ورتا مەرزىمدى تارگەتكە دەيىن تومەندەتۋ مىندەتىن ىسكە اسىرۋ تۋرالى جوسپارىن ءبولىستى، دەپ حابارلادى قازاقپارات ءتىلشىسى.

«مەملەكەت باسشىسىنىڭ تاپسىرمالارىن ىسكە اسىرۋ ءۇشىن ۇلتتىق بانك نەگىزگى ءۇش باعىت بويىنشا شارالار قابىلدايتىن بولادى. ءبىرىنشى، ينفلياتسيانى 2025 –جىلى %3-4 ورتا مەرزىمدى تارگەتكە دەيىن تومەندەتۋ. بۇعان دەيىن 2021 -جىلى مەملەكەت باسشىسىنىڭ تاپسىرماسى بويىنشا ۇكىمەتپەن بىرلەسىپ جىلدىق ينفلياتسيانى %8,4 كە دەيىن تومەندەتۋگە مۇمكىندىك بەرگەن ينفلياتسياعا قارسى دەن قويۋ شارالارىنىڭ كەشەنىن ىسكە اسىرۋ باستالدى»، - دەگەن ۇلتتىق بانك باسشىسى اتالعان شارالاردىڭ 2025 -جىلعى مەجەگە جەتۋ ءۇشىن جەتكىلىكسىز ەكەنىن اتادى.

«بۇل رەتتە اتالعان دەڭگەي جوعارى دەڭگەيگە جاتادى جانە اقشا- كرەديت ساياساتىنىڭ تيىمدىلىگىن شەكتەيدى دەپ ەسەپتەيمىن. وسىعان بايلانىستى مەملەكەت باسشىسى العا قويعان مىندەتتەردى ەسكەرە وتىرىپ، باعانىڭ وسۋىمەن كۇرەسۋگە باعىتتالعان، 2022 -جىلعا جانە ودان كەيىنگى جىلدارعا ارنالعان ينفلياتسيانى باقىلاۋ جونىندەگى شارالار كەشەنى قابىلداناتىن بولادى»، - دەدى ەربولات دوسايەۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات