USD 424.84 EUR 453.6
RUB 7.3 CNY 63.91
جاڭالىقتار

ءاليحان سمايىلوۆ بۇگىن ەكى ەلدىڭ ۇكىمەت باسشىمەن تەلەفون ارقىلى سويلەستى

11 قاڭتار 21:40
:ءبولىسۋ
ءاليحان سمايىلوۆ بۇگىن ەكى ەلدىڭ ۇكىمەت باسشىمەن تەلەفون ارقىلى سويلەستى

نۇر-سۇلتان. قازاقپارات - قازاقستان رەسپۋبليكاسىنىڭ پرەمەر- ءمينيسترى ءاليحان سمايىلوۆ رەسەي فەدەراتسياسى ۇكىمەتىنىڭ ءتوراعاسى ميحايل ميشۋستينمەن تەلەفون ارقىلى سويلەستى، دەپ حابارلايدى primeminister.kz.

رەسەي فەدەراتسياسى ۇكىمەتىنىڭ ءتوراعاسى م. ميشۋستين ءا. سمايىلوۆتى قازاقستان رەسپۋبليكاسىنىڭ پرەمەر- ءمينيسترى لاۋازىمىنا تاعايىندالۋىمەن قۇتتىقتادى. تاراپتار ستراتەگيالىق ارىپتەستىكتى ەكىجاقتى جانە كوپجاقتى فورماتتا ودان ءارى نىعايتۋعا ءازىر ەكەندىكتەرىن ءبىلدىردى.

«قازاقستان ۇكىمەتى رەسەي فەدەراتسياسىمەن ستراتەگيالىق سەرىكتەستىكتى تەرەڭدەتۋ باعىتىن بەرىك ۇستانادى. سىزبەن بىرگە ەكىجاقتى كۇن ءتارتىبىنىڭ بارلىق سالاسى بويىنشا قازاقستان- رەسەي قارىم- قاتىناسىنا ءتان مازمۇندى جانە تۇراقتى ديالوگتى ءارى قاراي جالعاستىرا بەرەمىز دەپ ۇمىتتەنەمىن. ءبىز بۇعان دەيىن قول جەتكىزىلگەن ۋاعدالاستىقتاردى جۇزەگە اسىرۋعا بارىنشا دايىنبىز»، - دەدى ءا. سمايىلوۆ. ەۋرازيالىق ەكونوميكالىق وداق اياسىنداعى ەكىجاقتى ساۋدا- ەكونوميكالىق ىنتىماقتاستىق جانە ءوزارا ءىس- قيمىل ماسەلەلەرى تالقىلاندى.

رەسەي - قازاقستاننىڭ نەگىزگى ساۋدا- ەكونوميكالىق سەرىكتەسى. وسى جىلدىڭ 10 ايىنىڭ قورىتىندىسى بويىنشا ق ر مەن ر ف اراسىنداعى تاۋار اينالىمىنىڭ كولەمى 30 پايىزعا ارتىپ، $19,5 ميللياردقا جەتتى. بۇل رەتتە ساۋدا قۇرىلىمىن ءارتاراپتاندىرۋدا ىلگەرىلەۋشىلىك بايقالىپ وتىر - قازاقستاننىڭ ەكسپورت كولەمى 39,4 پايىزعا، ونىڭ ىشىندە وڭدەلگەن ءونىم ەكسپورتى 47,7 پايىزعا ءوستى. 2019 -جىلعى پاندەمياعا دەيىنگى كەزەڭمەن سالىستىرعاندا ساۋدا كولەمى دە 21 پايىزدان استامعا ءوستى.


سونىمەن قاتار، قازاقستان رەسپۋبليكاسىنىڭ پرەمەر-ءمينيسترى ءاليحان سمايىلوۆ وزبەكستان رەسپۋبليكاسىنىڭ پرەمەر- ءمينيسترى ابدۋللا اريپوۆپەن تەلەفون ارقىلى سويلەستى. وزبەكستان رەسپۋبليكاسىنىڭ پرەمەر-ءمينيسترى ا. اريپوۆ ءا. سمايىلوۆتى قازاقستان رەسپۋبليكاسىنىڭ پرەمەر-ءمينيسترى لاۋازىمىنا تاعايىندالۋىمەن قۇتتىقتادى. تاراپتار ستراتەگيالىق ارىپتەستىكتى ەكىجاقتى جانە كوپجاقتى فورماتتا ودان ءارى نىعايتۋعا دايىن ەكەندىكتەرىن ءبىلدىردى.

«قازاقستان ۇكىمەتى باۋىرلاس وزبەكستان رەسپۋبليكاسىمەن ستراتەگيالىق سەرىكتەستىكتى تەرەڭدەتۋ باعىتىن بەرىك ۇستانادى. ءبىز بۇعان دەيىن قول جەتكىزىلگەن ۋاعدالاستىقتاردى ىسكە اسىرۋعا بارىنشا دايىنبىز. ىنتىماقتاستىقتىڭ ەكىجاقتى كۇن ءتارتىبىنىڭ اياسىندا بەلگىلەنگەن جوسپارلار بىرلەسكەن كۇش- جىگەرىمىزدىڭ ارقاسىندا ىسكە اسىرىلاتىنىنا سەنىمدىمىن»، - دەدى ءا. سمايىلوۆ.

وزبەكستان - قازاقستاننىڭ ءىرى ساۋدا سەرىكتەستەرىنىڭ ءبىرى. ورتالىق ازياداعى بارلىق وڭىرلىك ساۋدانىڭ 70 پايىزعا جۋىعى ق ر مەن ءو ر- عا تيەسىلى. 2021 -جىلدىڭ 10 ايىندا ەكىجاقتى ساۋدا كولەمى $3,26 ميلليارد قۇرادى، بۇل 2020 -جىلدىڭ سايكەس كەزەڭىندەگى كورسەتكىشتەن 30 پايىزعا جوعارى. 2021 -جىلدىڭ قورىتىندىسى بويىنشا وزبەكستان قازاقستاننىڭ ەڭ ءىرى 5 ساۋدا سەرىكتەسىنىڭ قاتارىنا كىرە الادى.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات