پرەزيدەنت ارنايى قۇرىلىم قىزمەتكەرلەرىنىڭ جالاقىسىن كوتەرۋدى تاپسىردى

نۇر-سۇلتان. قازاقپارات - مەملەكەت باسشىسى ارنايى قۇرىلىم ماماندارىنىڭ ەڭبەكاقىسىن جوعارىلاتۋ كەرەكتىگىن ايتتى، دەپ حابارلايدى قازاقپارات ءتىلشىسى.

«ىشكى ىستەر مينيسترلىگىندە ارنايى قۇرىلىم جانە ۇلتتىق گۆارديا قۇرامىنىڭ سانىن ارتتىرۋ قاجەت. سونىمەن قاتار ولاردىڭ دايىندىعىن كۇشەيتۋ جۇمىسىنا دا باسىم باعىت بەرىپ، ىشكى جانە ارنايى قۇرىلىم، اسكەر، ۇلتتىق گۆارديانى قاجەتتى ماتەريالدىق-تەحنيكالىق جابدىقتارمەن قامتۋ دا ماڭىزدى. ودان بولەك ارنايى قۇرىلىم قىزمەتكەرلەرىنىڭ جالاقىسىن كوتەرۋ كەرەك»، - دەدى قاسىم-جومارت توقايەۆ ءماجىلىس وتىرىسىندا. بۇعان دەيىن مەملەكەت باسشىسى وتاندىق پوليتسەيلەردىڭ قۇقىعىن قورعاۋ دەڭگەيىن كوتەرۋ كەرەكتىگىن ايتقان ەدى.