مەملەكەت باسشىسى جانار-جاعارماي باعاسىنا قاتىستى پىكىر ءبىلدىردى

None
None
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ جانار-جاعارماي باعاسىن رەتتەۋگە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«جىلدان جىلعا ءبىزدىڭ ازاماتتارىمىز بەن كاسىپكەرلەرىمىز جانار- جاعارماي ءوندىرۋ جانە ونى ءبولىپ تاراتۋ جۇيەسىنىڭ اشىق بولماۋىنان زارداپ شەگىپ كەلەدى. ءتىپتى، جانار-جاعارماي باعاسىن جارتى جىل بويى قولدان رەتتەۋگە ءماجبۇر بولىپ وتىرمىز. وسى كەزەڭدە باس پروكۋراتۋرا باسەكەلەستىكتى قورعاۋ جانە دامۋ اگەنتتىگىمەن، سونداي-اق ەنەرگەتيكا مينيسترلىگىمەن بىرلەسىپ، وسى سالاداعى جۇمىستاردى رەتكە كەلتىرۋگە، ونى رەفورمالاۋ ءۇشىن كەشەندى ۇسىنىستار ازىرلەۋگە ءتيىس. ەگەر بۇل جۇمىس ءبىر جولعا قويىلماسا، جانار-جاعارماي باعاسىن رەتتەۋ جۇيەسى ساقتالادى»، - دەدى مەملەكەت باسشىسى پارلامەنت ءماجىلىسىنىڭ جالپى وتىرىسىندا.

بۇدان بۇرىن حابارلانعانداي پرەزيدەنت مەملەكەتتىك جانە كۆازيمەملەكەتتىك سەكتوردىڭ ساتىپ الۋى سالاسىندا كارتەلدى كەلىسىمدەر جاساسۋ كەڭىنەن تاراپ كەتكەنىن ايتتى.

اۆتور: رۋسلان عابباسوۆ

سوڭعى جاڭالىقتار