توقايەۆ ۇ ق ش ۇ-نىڭ بىرلەسكەن بىتىمگەر كونتينگەنتى ەلدەن قاشان شىعارىلاتىنىن ايتتى
قاسىم-جومارت توقايەۆ ۇ ق ش ۇ ەلدەرىنىڭ باسشىلارىنا العىس ايتتى جالپى، كونترتەرروريستىك وپەراتسيانىڭ نەگىزگى فازاسى اياقتالعانىنا توقتالعان پرەزيدەنت، ەلىمىزدىڭ بارلىق وڭىرىندە احۋال تۇراقتى ەكەنىن جەتكىزدى.
«وسىعان بايلانىستى ۇ ق ش ۇ- نىڭ بىتىمگەر كۇشتەرىنىڭ نەگىزگى ميسسياسى ءساتتى اياقتالدى دەپ مالىمدەيمىن. ەكى كۇننەن كەيىن ۇ ق ش ۇ- نىڭ بىرلەسكەن بىتىمگەر كونتينگەنتىن شىعارۋ باستالادى. كونتينگەنتتى شىعارۋ پروتسەسى 10 كۇننەن اسپايدى»، - دەدى مەملەكەت باسشىسى. بۇدان بۇرىن حابارلانعانداي، مەملەكەت باسشىسى قاسىم-جومارت توقايەۆ ق ر پرەمەر-ءمينيسترى لاۋازىمىنا ءاليحان سمايىلوۆتىڭ كانديداتۋراسىن ۇسىندى.
تالقىلاۋ بارىسىندا ءماجىلىس دەپۋتاتتارى پرەزيدەنتتىڭ ۇسىنىسىن ءبىراۋىزدان قولداپ، ءاليحان سمايىلوۆتىڭ ۇكىمەت باسشىسى بولىپ تاعايىندالۋىنا كەلىسىم بەردى.
اۆتور: رۋسلان عابباسوۆ