ەلورداداعى توناۋشىلار تۋرالى تاراعان اقپارات فەيك

نۇر-سۇلتان. قازاقپارات - پوليتسيا دەپارتامەنتى WhatsApp-تا تاراعان ەلورداداعى توناۋشىلار تۋرالى اقپاراتتى جوققا شىعاردى، دەپ حابارلايدى قازاقپارات stopfake.kz سىلتەمە جاساپ.

الەۋمەتتىك جەلىلەردە بەلگىسىز بىرەۋلەر قۇجات تەكسەرۋدى جەلەۋ ەتىپ، پاتەرلەرگە كىرىپ، ازاماتتاردى توناۋدا دەگەن اقپارات تارادى. بۇل اقپارات شىندىققا جاناسپايدى.

نۇر-سۇلتان قالاسىنىڭ پوليتسيا دەپارتامەنتى ازاماتتارعا توتەنشە جاعداي كەزىندە كورىنەۋ جالعان اقپارات تاراتقانى ءۇشىن ق ك 274-بابىنا سايكەس 3 جىلدان 7 جىلعا دەيىن باس بوستاندىعىنان ايىرۋ جازاسى قاراستىرىلعانىن ەسكەرتەدى.

تەك رەسمي دەرەككوزدەرگە عانا سەنىڭىزدەر. ەلوردادا قىلمىستىق احۋال تۇراقتى، تولىق باقىلاۋعا الىندى. پوليتسيا قىزمەتكەرلەرى پاتەرلەردى ارالاپ، قۇجاتتاردى تەكسەرۋدە.

بۇل رەتتە ءتارتىپ ساقشىلارى وزدەرىن تانىستىرىپ، قىزمەتتىك كۋالىكتەرىن كورسەتەدى.

تۇرعىنداردان تۇسىنىستىك تانىتىپ، جۇرگىزىلىپ جاتقان شارالاردا كومەكتەسۋلەرىن سۇرايمىز.