11:54, 02 - قاڭتار 2022 | GMT +6
تەننيس: جىبەك قۇلامبايەۆا جاڭا جىلدى چەمپيوندىق اتاقپەن باستادى
نۇر-سۇلتان. قازاقپارات - قازاقستاندىق جىبەك قۇلامبايەۆا جۇپتىق سىندا ءۇندىستاننىڭ مۋمباي قالاسىندا ITF W25 تۋرنيرىنىڭ جەڭىمپازى اتاندى، دەپ حابارلايدى قازاقپارات ءتىلشىسى.
قازاقستان تەننيس فەدەراتسياسى ءمالىم ەتكەنىندەي، ج. قۇلامبايەۆا لاتۆيالىق ديانا مارتسينكيەۆيچپەن فينالدا وسى جارىستىڭ 1-راكەتكالارى، تاعى ءبىر قازاقستاندىق اننا دانيلينا - ۋكراينالىق ۆالەريا ستراحوۆامەن چەمپيوندىق اتاقتى ساراپقا سالدى.
ءبىرىنشى پارتيادا جىبەك پەن ديانا 6:3 ەسەبىمەن باسىم ءتۇستى. ەكىنشىسىندە اننا مەن ۆالەريا ەسە قايىردى - 6:4.
سۋپەر تايبرەيكتە ج. قۇلامبايەۆا مەن د. مارتسينكيەۆيچ جەڭىستى جۇلىپ الدى - 10:6.
وسىلايشا جىبەك جۇپتىق سىندا ITF تۋرنيرلەرىندەگى 14-ءىنشى، بيىلعى العاشقى تيتۋلىنا قول جەتكىزدى.
ەسكە سالا كەتەيىك، بۇدان بۇرىن جىبەك قۇلامبايەۆانىڭ ءۇندىستانداعى تۋرنيردىڭ فينالىنا شىققانىن جازعان بولاتىنبىز.