ەلوردادا اپاتتى جاعدايدا تۇرعان ءۇي ءسۇرىلىپ، ورنىنا جاڭا تۇرعىن ءۇي سالىندى
«ەلوردادا قۇرىلىسى ۇزاققا سوزىلعان، پروبلەمالى نىسانداردىڭ ءبىرىن اياقتادىق. «تەرريتوريا كومفورتا-1» تۇرعىن ءۇي كەشەنىنىڭ تاريحى 2004-جىلى باستالعان. ءۇيدى تەحنيكالىق تەكسەرۋ بارىسىندا عيماراتتىڭ اپاتتى جاعدايدا ەكەنى انىقتالدى. بۇرىنعى قۇرىلىس سالۋشى تەحنيكالىق ستاندارتتارعا سايكەس كەلمەيتىن بەتون ماركاسىن قولدانعان، ال پليتالار اراسىندا تۇيىسكەن جەرى ساقتالماعان. قۇرىلىسشىلار ايتقانداي، بۇل ءۇي پايدالانۋعا بەرىلسە، كوپ ۇزاماي قيراپ، تۇرعىندار استىندا قالاتىن ەدى.
اپاتتى جاعدايداعى كوپپاتەرلى تۇرعىن ءۇي كەشەنىنىڭ بارلىق بلوگىن بۇزۋ بويىنشا اۋقىمدى جۇمىس جۇرگىزىلدى. ونىڭ ورنىنا جاڭا تۇرعىن ءۇي كەشەنى سالىندى، ەڭ باستىسى - قاۋىپسىز. مۇندا باس-اياعى 500 دەن استام ۇلەسكەر بار. ءۇيدى اياقتاۋ ەكى كەزەڭنەن تۇرادى.
العاشقى 135 ۇلەسكەر كوپتەن كۇتكەن پاتەرىن الدى، ولار بۇل كۇندى 17 جىل بويى كۇتتى.
ەكىنشى كەزەڭ بويىنشا جۇمىس ءجۇرىپ جاتىر. 2019-جىلدىڭ جازىندا قالا بويىنشا بارلىعى 16 مىڭ ۇلەسكەر وتباسى بولعان، 2,5 جىل ىشىندە 13 مىڭ ۇلەسكەردىڭ پروبلەماسى شەشىلدى.
ماسەلەن بيىل 57 كوپپاتەرلى تۇرعىن ءۇي كەشەنىنىڭ قۇرىلىسى اياقتالدى. بۇل 7 مىڭ ۇلەسكەردىڭ پروبلەماسىن شەشۋگە مۇمكىندىك بەردى.
جاڭا 2022-جىلى تاعى 40 كوپپاتەرلى تۇرعىن ءۇيدى، 2023-جىلى 20 كوپپاتەرلى تۇرعىن ءۇي- دونور سالۋدى جوسپارلاپ وتىرمىز. وسىلايشا، 2023-جىلى ەلوردادا قۇرىلىسى ۇزاققا سوزىلعان ۇيلەردىڭ پروبلەماسىن تولىق شەشۋدى جوسپارلاپ وتىرمىز. قۇرىلىس جۇمىستارىنىڭ اياقتالۋى مەملەكەت باسشىسىنىڭ تىكەلەي باقىلاۋىندا»، - دەپ جازدى ەلوردا اكىمى.