جىلدىڭ ۇزدىك جەكپە-جەگى انىقتالدى

نۇر-سۇلتان. قازاقپارات - بوكس الەمىنە ايگىلى The Ring جۋرنالى 2021-جىلدىڭ ۇزدىك جەكپە-جەگىن انىقتادى، دەپ جازادى Vesti.kz ءتىلشىسى.

جۋرنالدىڭ بەرگەن باعاسى بويىنشا WBC تۇجىرىمىندا الەمنىڭ ەكس-چەمپيونى امەريكالىق دەونتەي ۋايلدەر مەن ۇلى بريتانيالىق 33 جاستاعى جەڭىلىس كورمەگەن تايسون فيۋري اراسىنداعى ايقاس بيىلعى جىلدىڭ ەڭ ۇزدىك جەكپە-جەگى بولىپ انىقتالدى.

فيۋري مەن ۋايلدەر اراسىنداعى كەزدەسۋ 10-قازان كۇنى لاس-ۆەگاستىڭ «تي-موبايل» ارەناسىندا ءوتتى.

ەسكە سالايىق، تۇماندى البيوننان كەلگەن الىپ بوكسشى 11-راۋندتا دەونتەيدى نوكاۋتقا تۇسىرگەن ەدى.

تايسون فيۋري كاسىپقوي كاررەاسىندا 33-ايقاستىڭ تەك بىرەۋىندە تەڭ ءتۇسىپ، قالعان جەكپە-جەكتەرىنىڭ بارىندە جەڭىسكە جەتتى. ۋايلدەر بولسا 45-ايقاستىڭ 41 ىن نوكاۋتپەن اياقتاعان. ءبىر رەت تەڭ ءتۇسىپ، ەكى مارتە جەڭىلىستىڭ كەرمەك ءدامىن تاتىپ كوردى.