USD 427.84 EUR 443.8
RUB 6.67 CNY 63.02
جاڭالىقتار

تەننيس: قازاق قىزى ءۇندىستانداعى تۋرنيردىڭ فينالىنا شىقتى

31 جەلتوقسان 21:45
:ءبولىسۋ
تەننيس: قازاق قىزى ءۇندىستانداعى تۋرنيردىڭ فينالىنا شىقتى

نۇر-سۇلتان. قازاقپارات - قازاقستاندىق جىبەك قۇلامبايەۆا جۇپتىق سىندا ءۇندىستاننىڭ ناۆي- مۋمباي قالاسىندا ءوتىپ جاتقان W25 تۋرنيرىنىڭ فينالىنا شىقتى، دەپ حابارلايدى قازاقپارات ءتىلشىسى.

وسى دودانىڭ 4-راكەتكاسى بولىپ تىركەلگەن ج. قۇلامبايەۆا لاتۆيالىق ديانا مارتسينكيەۆيچپەن بىرگە جارىس بارىسىندا ەكى باسەكە وتكىزىپ، جارتىلاي فينالعا شىققان ەدى.

قازاقستاندىق-لاتۆيالىق جۇپ جارتىلاي فينالدا جاپونيالىقتار ناحو ساتو - مويۋكا ۋچيجيمامەن كەزدەسۋى كەرەك ەدى. الايدا قارسىلاستارى كورتقا شىقپاي قالدى دا، ج. قۇلامبايەۆا مەن د. مارتسينكيەۆيچ ويناماستان فينالعا جولداما الدى.

ەندى جىبەك پەن ديانا فينالدا تاعى ءبىر قازاقستاندىق اننا دانيلينا - ۋكراينالىق ۆالەريا ستراحوۆامەن باس جۇلدەنى ساراپقا سالادى.

ەسكە سالا كەتەيىك، بۇدان بۇرىن اننا دانيلينانىڭ ءۇندىستانداعى تۋرنيردىڭ جەڭىمپازى اتانعانىن، ەلەنا رىباكينانىڭ الەمدىك رەيتينگىدە جىلدى توپ-15 تە اياقتاعانىن جازعان بولاتىنبىز.

سونداي-اق قازاقستاندىق تەننيسشى ءۇندىستانداعى جارىستىڭ فينالىنا شىقتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات