USD 429.57 EUR 447.35
RUB 6.94 CNY 63.23
جاڭالىقتار

ەسەنبەرلين: حانزادالار ايەلىنە قاراۋىل بولماي ءيتىمدى ءبىتىرىپ ءجۇر دەيسىڭ بە؟

31 جەلتوقسان 17:25
:ءبولىسۋ
ەسەنبەرلين: حانزادالار ايەلىنە قاراۋىل بولماي ءيتىمدى ءبىتىرىپ ءجۇر دەيسىڭ بە؟

نۇر- سۇلتان. قازاقپارات- (ەسەنبەرلين تۋرالى دۇكەنباي دوسجاننىڭ ەستەلىگى) جازۋشىلار وداعىنىڭ فويەسىندە «الماس قىلىشتى» جازىپ بەرىپ وتىرىپ ايتقان ءسوزى. ايتپاقشى، ول كىسى ەشقاشان كىسىگە كىتاپ سىيلامايتىن، بىزدەر كىتاپتى ءوزىمىز ساتىپ الىپ، قول قويدىرىپ قانا الاتىنبىز.

- ىلەكە، وسى كىتاپتا تورەلەردىڭ، حانداردىڭ ايەلدەرى كىلەڭ كوڭىلشەك، ىڭعاي بەرگەن كىسىگە كەلىسە سالادى. شىندىعىندا، سولاي بولعان با، تاريحي فاكتىگە سۇيەنىپ جازدىڭىز با؟

- وي، شىراعىم- اي، شىعارمانىڭ نەگىزگى سۇيەگى عانا تاريحقا تابان تىرەگەن. وڭگەسى ءوزىمنىڭ قيالىم ەمەس پە. الگى ايەل، قىزداردى قىزىقماس ەتىپ سۋرتتەۋىمنىڭ ءمانىسى - وقىرمان قاۋىمدى قىزىقتىرۋ ءۇشىن ادەيى ءسويتتىم. ايتپەسە، حانزادالار، بەكزادالار ايەلىنە قاراۋىل بولماي ءيتىمدى ءبىتىرىپ ءجۇر دەيسىڭ بە؟
شىنتۋايتىنا ۇڭىلسەك، ەسەنبەرلين - ناعىز تراگەديالىق فيگۋرا. جاستاي جەتىمدىك. جەرگە قاراپ ءجۇرۋ. العاشقى ولەڭدەر جيناعىنىڭ بىت- شىت بولىپ سىنالۋى. سوعىس وتىنا ءتۇسىپ جاراقات الۋى. حالىق جاۋىنىڭ قىزىنا ۇيلەندىڭ دەپ جازۋشىلار اراسىندا مۇيىزدەۋ. «فيلارمونيانىڭ اقشاسىن جەپ قويدىڭ» دەپ ءتورت جىلعا سوتتاپ جىبەرۋ. «جازۋشى» باسپاسىنىڭ ديرەكتورى بولا سالىپ، ۇستەلگە شەگەلەنىپ وتىرىپ، ءتۇن ىشىندە ۇيىقتاماي، قوناققا بارماي، ءوزىن- ءوزى پەندەشىلىك كوپ قىزىقتان تەجەپ رومان جازۋى... وسىنىڭ ءبارى كوزى تىرىسىندە باعالانباي، ولگەندە بارىپ جۇرتتى ەلەڭ ەتكىزگەنى، «ە» دەگىزگەنى - جىلاي وتىرىپ ايتار تاريح.

وسى تاعدىردىڭ شەت جاعاسىن «جاس الاش» گازەتىندە باسىلعان «ەسەنبەرليننىڭ كوز جاسى» دەپ اتالعان تاراۋدا ءبىراز تاپتىشتەگەن ەدىم. جالپى، جازۋشىلاردىڭ قالام سىلتەسى، ءسوز ساپتاسى، دۇنيەنى كورۋى، سەزىنۋى ءارقالاي بولعانىمەن، تاعدىر جازۋى كوبىنە ۇقساس بولىپ كەلەدى. سول ۇقساستىقتى وسى جۇرگەن ءبىراز قالامگەر اعايىننان تۇستەپ تانىر ەدىم.

قالي سارسەنبايدىڭ «شال مەن شىندىق» كىتابىنان

(اۆتوردىڭ جازۋشىمەن بولعان «ۋاقىت ۇزاق جول. ءبىز سونىڭ ءبىر ۇزىگىمىز» اتتى سۇحباتىنان ءۇزىندى)

The Qazaq Times



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات