USD 424.84 EUR 453.6
RUB 7.3 CNY 63.91
جاڭالىقتار

شەتەلدەن كەلەتىن سالەمدەمەگە قانداي جاعدايدا كەدەندىك دەكلاراتسيا تالاپ ەتىلەدى

31 جەلتوقسان 11:26
:ءبولىسۋ
شەتەلدەن كەلەتىن سالەمدەمەگە قانداي جاعدايدا كەدەندىك دەكلاراتسيا تالاپ ەتىلەدى

نۇر-سۇلتان. قازاقپارات - مەملەكەتتىك كىرىستەر كوميتەتىندە حالىقارالىق پوشتا جونەلتىلىمدەرىنىڭ سالماعى مەن قۇنى بويىنشا قانداي شەكتى مولشەرى بەلگىلەنگەنىن ەسكە سالدى.

ەگەر بۇل جونەلتىلىم شەكتى مولشەردەن اسپاسا، كەدەندىك دەكلاراتسيانى تاپسىرۋدىڭ قاجەتى جوق، دەپ حابارلايدى قازاقپارات كوميتەتتىڭ باسپا ءسوز قىزمەتىنە سىلتەمە جاساپ.

كوميتەتتىڭ تۇسىندىرۋىنشە، ق ر كەدەن كودەكسىنىڭ 3-بابى 1-تارماعىنىڭ 57-تارماقشاسىنا سايكەس حالىقارالىق پوشتا جونەلتىلىمدەرى - دۇنيەجۇزىلىك پوشتا وداعىنىڭ اكتىلەرىنە سايكەس پوشتا الماسۋ وبەكتىلەرى سانالادى، ە ا ە و كەدەندىك اۋماعىنىڭ شەگىنەن تىس حالىقارالىق پوشتا الماسۋ ورىندارىنان، نەمەسە ە ا ە و كەدەندىك اۋماعىنا حالىقارالىق پوشتا الماسۋ مەكەمەلەرىنە تۇسەدى نە ە ا ە و كەدەندىك اۋماعى ارقىلى ترانزيتپەن وتەتىن سالەمدەمەلەر مەن جازباشا حات- حابار دۇنيەجۇزىلىك پوشتا وداعىنىڭ اكتىلەرىندە كوزدەلگەن قۇجاتتارمەن الىپ جۇرىلەدى.

«حالىقارالىق پوشتا جونەلتىلىمدەرىمەن جىبەرىلەتىن جەكە پايدالانۋعا ارنالعان تاۋارلاردى ە ا ە و كەدەن شەكاراسى ارقىلى وتكىزۋ ءتارتىبى ەۋرازيالىق ەكونوميكالىق وداق كەدەن كودەكسىنىڭ 37 جانە 40-تاراۋلارىمەن، كودەكستىڭ 39 جانە 42-تاراۋلارىندا، №107 -شەشىمدە، «دۇنيەجۇزىلىك پوشتا وداعىنىڭ اكتىلەرىندە كوزدەلگەن قۇجاتتاردى كەدەندىك دەكلاراتسيا رەتىندە پايدالانۋ ءتارتىبى تۋرالى نۇسقاۋلىقتى بەكىتۋ تۋرالى» كەدەن وداعى كوميسسياسىنىڭ 2010 -جىلعى 18 -ماۋسىمداعى №310 -شەشىمىندە ايقىندالعان. حالىقارالىق پوشتا جونەلتىلىمدەرىمەن جىبەرىلەتىن جەكە پايدالانۋعا ارنالعان تاۋارلارعا قاتىستى كەدەندىك وپەراتسيالار حالىقارالىق پوشتا الماسۋ ورىندارىندا (قازاقستان رەسپۋبليكاسى اقپارات جانە كوممۋنيكاتسيالار ءمينيسترىنىڭ 2016 -جىلعى 9 -جەلتوقسانداعى №277 بۇيرىعىمەن ايقىندالعان) نە كەدەن ورگانى ايقىنداعان وزگە دە ورىنداردا جاسالادى»، دەلىنگەن حابارلامادا.

حالىقارالىق پوشتا جونەلتىلىمىمەن جىبەرىلەتىن جەكە پايدالانۋعا ارنالعان تاۋار جولاۋشىنىڭ كەدەندىك دەكلاراتسياسىن قولدانا وتىرىپ، كەدەندىك دەكلاراتسيالاۋعا جاتادى.

«حالىقارالىق پوشتا جونەلتىلىمدەرىندە وتكىزىلەتىن جەكە پايدالانۋعا ارنالعان تاۋارلاردى كەدەندىك دەكلاراتسيالاۋ، جەكە پايدالانۋعا ارنالعان تاۋارلاردى جونەلتۋشى نەمەسە الۋشى بولىپ تابىلاتىن جەكە تۇلعا تۇراقتى نەمەسە ۋاقىتشا تۇراتىن نە ۋاقىتشا بولاتىن ە ا ە و- عا مۇشە مەملەكەتتە جۇزەگە اسىرىلادى. زاعيپتارعا ارنالعان اەروگراممالار، حاتتار، پوشتا كارتالارى جانە جونەلتىمدەر كەدەندىك دەكلاراتسياسىز جانە كەدەندىك راسىمدەرگە ورنالاستىرۋسىز كەدەن ورگانىنىڭ رۇقساتىمەن ە ا ە و كەدەندىك شەكاراسى ارقىلى وتكىزىلەدى. حالىقارالىق پوشتا جونەلتىلىمدەرىمەن جىبەرىلەتىن جەكە پايدالانۋعا ارنالعان تاۋارلاردى شىعارۋدى كەدەن ورگانى كەدەندىك باجدار، سالىقتار تولەنگەنگە دەيىن جۇرگىزەدى»، دەلىنگەن حابارلامادا.

كوميتەتتىڭ مالىمەتىنشە، قۇنى 200 ەۋرودان اساتىن نەمەسە سالماعى 31 كەلىدەن اساتىن تاۋارلارعا شەتەلدەن تاپسىرىس بەرگەن كەزدە، قۇن شەگىنەن اسىپ كەتۋ بولىگىندە، نورمادان %15 مولشەرىندە، ءبىراق 1 كەلى ءۇشىن 2 ەۋرودان كەم ەمەس باج تولەنۋى كەرەك، مىسالى، ەگەر پاكەتتىڭ قۇنى 300 ەۋرو، ال سالماعى 31 كەلى بولسا، وندا باج 100 ەۋروعا تولەنۋى كەرەك، بۇل 15 ەۋرو.

سالماق بولىگىنەن اسىپ كەتكەن كەزدە، مىسالى، ەگەر سالەمدەمەنىڭ سالماعى 35 كەلى بولسا، باج سالماق شەگىنەن (ياعني 4 ك گ- نان) اسىپ، 8 ەۋرونى قۇرايدى.

«باج الۋ ءۇشىن نەگىز رەتىندە 2020 -جىلعى 1 -قاڭتاردان باستاپ تاۋارلاردى وتكىزۋ جيىلىگىن ەسەپكە الماعاندا، ءاربىر جەكە سەلەمدەمە سالماعى مەن قۇنى قارالادى. جەكە پايدالانۋعا ارنالعان تاۋارلاردىڭ قۇنىنا ولاردى تاسىمالداۋ جانە ساقتاندىرۋ جونىندەگى شىعىستار ەنگىزىلمەيدى. ەگەر جونەلتىلىمنىڭ سالماعى مەن قۇنى شەكتى مولشەردەن اسپاسا، كەدەندىك دەكلاراتسيانى تاپسىرۋدىڭ قاجەتى جوق. جولاۋشىلار كەدەندىك دەكلاراتسياسىن ەەكتروندى تۇردە تاپسىرۋعا بولادى. ونداي مۇمكىندىك «استانا-1» اقپاراتتىق جۇيەسىندە جۇزەگە اسىرىلعان، جۇيەدە ە ا ە و شەكاراسىنان وتكەنگە دەيىن جولاۋشىلار كەدەندىك دەكلاراتسياسىن ۇسىنۋعا بولادى»، دەلىنگەن حابارلامادا. «استانا-1» جۇيەسىندە جولاۋشىلار كەدەندىك دەكلاراتسياسىن تاپسىرۋ ءۇشىن جەكە تۇلعالارعا مىنالار قاجەت: تۇرعىلىقتى جەرى بويىنشا مەملەكەتتىك كىرىستەر دەپارتامەنتىنە ءوتىنىش جولداۋ ارقىلى لوگين مەن قۇپيا ءسوز الۋ؛ جەكە باسىن سايكەستەندىرۋ ءۇشىن ە س ق.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات