USD 427.84 EUR 443.8
RUB 6.67 CNY 63.02
جاڭالىقتار

سەناتور جەتىسۋداعى كونە مەكتەپ- مەدرەسە عيماراتىن قالپىنا كەلتىرۋدى ۇسىندى

30 جەلتوقسان 13:10
:ءبولىسۋ
سەناتور جەتىسۋداعى كونە مەكتەپ- مەدرەسە عيماراتىن قالپىنا كەلتىرۋدى ۇسىندى

نۇر-سۇلتان. قازاقپارات - دەپۋتات باقىتجان جۇماعۇلوۆ ق ر پارلامەنت سەناتىنىڭ جالپى وتىرىسىندا جەتىسۋداعى «مامانيا» مەكتەپ- مەدرەسەسىن قالپىنا كەلتىرۋ قاجەتتىىگى تۋرالى ماسەلە كوتەردى، دەپ حابارلايدى قازاقپارات ءتىلشىسى.

سەناتور باقىتجان دەپۋتاتتىق ساۋالىن ق ر پرەمەر-ءمينيسترىنىڭ ورىنباسارى ەرالى توعجانوۆتىڭ اتىنا جولدادى. ونىڭ ايتۋىنشا، «مامانيا» - جەتىسۋ وڭىرىندەگى العاشقى ءبىلىم بەرۋ ورتالىقتارىنىڭ ءبىرى. مەكتەپ- مەدرەسە 1899 -جىلى اشىلعان، بۇگىنگى تاڭدا ونىڭ تەك ىرگەتاسى عانا قالعان. باقىتجان جۇماعۇلوۆ وسىنداي قۇندى تاريحي ەسكەرتكىشتى قالپىنا كەلتىرۋ وسكەلەڭ ۇرپاقتىڭ بويىندا پاتريوتتىق سەزىمدى دامىتۋ ءۇشىن ماڭىزدى دەپ سانايدى.

«مامانيا مەكتەپ مەدرەسەسىن قايتا قالپىنا كەلتىرىپ، مەموريالدىق ۇيگە، ءارى تاريحي ەتنوگرافيالىق مۋزەيگە اينالدىرعان ءجون. سونىمەن قاتار، جاقسىنىڭ تۇياعى بولعان بۇكىل مامان ۇرپاقتارىنا، سول جەردەن ءبىلىمنىڭ ءنارىن الىپ، وقىعان ۇلتىمىزدىڭ ۇلى تۇلعالارىنا ارنالعان شاكىرتتەر اللەياسىن جاساۋدى ۇسىنامىن. بۇل رەتتە، مامانيا مەكتەبىن قايتا قالپىنا كەلتىرۋ جاستاردى پاتريوتيزمگە، ۇلتتىق رۋحانياتتى سۇيۋگە ىقپال ەتەتىن يگى ءىس بولادى دەپ ويلايمىن»، - دەدى باقىتجان جۇماعۇلوۆ.

اۆتور: ەسىمجان ناقتىباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات