بيىل قانشا قانداس ەلىمىزدە ماگيستراتۋرا مەن دوكتورانتۋراعا ءتۇستى
بۇل جايىندا ق ر پرەمەر-ءمينيسترىنىڭ ورىنباسارى ەرالى توعجانوۆتىڭ ءماجىلىس دەپۋتاتتارى ساۋالىنا بەرگەن جاۋابىندا ايتىلعان، دەپ حابارلايدى قازاقپارات ءتىلشىسى.
ۆيتسە-پرەمەردىڭ اتاپ وتۋىنشە، 2019 -جىلى ورتالىق ازيا ەلدەرىنىڭ شەتەلدىك ازاماتتارىنا، ونىڭ ىشىندە قازاقستان رەسپۋبليكاسىنىڭ ازاماتتارى بولىپ تابىلمايتىن ۇلتى قازاق ادامدارعا ارنالعان ەلىمىزدىڭ جوعارى وقۋ ورىندارىندا ءبىلىم الۋعا ستيپەنديالىق باعدارلاما ىسكە قوسىلدى. «ستيپەنديالىق باعدارلاما بويىنشا قانداستار تەك باكالاۆرياتقا عانا ەمەس، سونىمەن قاتار جوعارى وقۋ ورنىنان كەيىنگى ءبىلىم بەرۋ باعدارلامالارىنا دا اڭگىمەلەسۋ ناتيجەلەرى بويىنشا تۇسەتىنىن اتاپ وتكەن ءجون. 2021 -جىلى ستيپەنديالىق باعدارلاما بويىنشا 132 قانداس قابىلداندى. ونىڭ ىشىندە باكالاۆرياتقا - 100، ماگيستراتۋراعا - 22، دوكتورانتۋراعا - 10. سونداي-اق، ءۇش جىل ىشىندە اكادەميالىق ۇتقىرلىق اياسىندا فرانسيا، ليتۆا، رەسەي فەدەراتسياسى، قىرعىزستاننان 33 قانداس قابىلداندى»، - دەدى ەرالى توعجانوۆ جاۋابىندا.
اۆتور: مارلان جيەمباي