نۇر-سۇلتاندا باتىرحان شۇكەنوۆ اتىنداعى مەموريال اشىلادى - فوتو

نۇر-سۇلتان. قازاقپارات - ەلوردادا تانىمال مۋزىكانت، كومپوزيتور جانە ءانشى باتىرحان شۇكەنوۆ اتىنداعى قوعامدىق كەڭىستىك اشىلادى.

پرەزيدەنت ساياباعىنداعى باقىلاۋ الاڭىندا شىعارماشىلىق كەشتەر، ۆوركاۋتتار مەن كورمەلەرگە ارنالعان كەڭىستىك تۇرىندەگى مەموريال پايدا بولادى.

بۇل تۋرالى نۇر-سۇلتان قالاسىنىڭ ۋربانيستيكا ورتالىعىنىڭ باسشىسى ەلنار بازىكەن مالىمدەدى، - دەپ حابارلايدى Tengrinews.kz ءتىلشىسى اكىمدىك سايتىنا سىلتەمە جاساپ.

ەسكە سالايىق، جازدا باتىرحان شۇكەنوۆكە ەسكەرتكىش ورناتۋعا ارنالعان يدەيالار بايقاۋى جاريالانعان بولاتىن. كوپتەگەن نۇسقا قاراستىرىلدى. كەيىن نۇر- سۇلتان قالاسى اكىمدىگىنىڭ قالالىق ۋربانيستيكا ورتالىعىنىڭ باتىرحان شۇكەنوۆ قورىمەن بىرلەسكەن جۇمىسىنىڭ ناتيجەسىندە ساياباق ايماعىندا شىعارماشىلىق كەڭىستىك تۇرىندە مەموريال جاساۋ تۋرالى شەشىم قابىلداندى. جوبا جەكە قاراجات ەسەبىنەن جۇزەگە اسىرىلادى.

«اۆتورلاردىڭ ويىنشا، بۇل - ولگا ۆەسەلوۆا، لادو لوميتاشۆيلي، اسەل ەسجانوۆا، پاۆيلوندى جوعارىدان قارايتىن بولساق، بارلىعىنىڭ سۇيىكتى ورىنداۋشىسىنىڭ اتىن كورۋگە بولادى. تاقىرىپتىق الاڭدا سەرۋەندەپ، شىعارماشىلىققا ءبىر تابان جاقىنداۋعا بولادى»، - دەپ ءتۇسىندىردى ۋربانيستيكا ورتالىعىنىڭ باسشىسى ەلنار بازىكەن.

اتالعان الاڭدا پاۆيلوندار سالۋ جوسپارلانىپ وتىر، وندا عىلىمي- تانىمال دارىستەر وتكىزىلەدى، پابليك- ارت بويىنشا جازعى مەكتەپ، كونتسەرتتەر، تەاتر قويىلىمدارى، كوركەم پەرفورمانستار مەن قويىلىمدار جۇمىس ىستەيدى.

باتىرحان شۇكەنوۆ اتىنداعى مەموريالدى 2022 -جىلى اشۋ جوسپارلانىپ وتىر. حالىقتىڭ سۇيىكتى ءانشىسى 2022 -جىلدىڭ 18-مامىرىندا 60 جاسقا تولار ەدى.

ەلوردا اكىمى التاي كولگىنوۆتىڭ تاپسىرماسى بويىنشا سوڭعى جىلدارى 500-دەن استام اۋلا مەن قوعامدىق كەڭىستىكتەر (ساياباقتار، سكۆەرلەر، بۋلۆارلار) اباتتاندىرىلدى.