قاسىم-جومارت توقايەۆ سانكت- پەتەربۋرگكە جۇمىس ساپارىمەن كەلدى

سانكت-پەتەربۋرگ. قازاقپارات – ق ر پرەزيدەنتى قاسىم-جومارت توقايەۆ تاۋەلسىز مەملەكەتتەر دوستاستىعىنا مۇشە مەملەكەتتەر باسشىلارىنىڭ ءداستۇرلى بەيرەسمي كەزدەسۋىنە قاتىسۋ ءۇشىن سانكت- پەتەربۋرگكە جۇمىس ساپارىمەن كەلدى، دەپ حابارلايدى قازاقپارات مەملەكەت باسشىسىنىڭ باسپا ءسوز حاتشىسى بەرىك ۋاليگە سىلتەمە جاساپ.

«كەزدەسۋ بارىسىندا ت م د- عا مۇشە مەملەكەتتەردىڭ باسشىلارى دوستاستىق اياسىندا اتقارىلعان بىرلەسكەن جۇمىستاردىڭ قورىتىندىلارىن، كوپجاقتى ىقپالداستىقتى دامىتۋدىڭ جانە ۇيىم قىزمەتىنىڭ تيىمدىلىگىن ارتتىرۋدىڭ پەرسپەكتيۆالارىن تالقىلايدى. سونداي-اق حالىقارالىق جانە ايماقتىق كۇن تارتىبىندەگى وزەكتى ماسەلەلەردى قاراستىرۋ جوسپارلانىپ وتىر»، دەپ جازدى بەرىك ءۋالي Facebook-تەگى پاراقشاسىندا.