USD 424.84 EUR 453.6
RUB 7.3 CNY 63.91
جاڭالىقتار

رەسەيدەن ەلەكتر قۋاتىن يمپورتتاۋ قاشانعا دەيىن جالعاسادى؟

28 جەلتوقسان 13:29
:ءبولىسۋ
رەسەيدەن ەلەكتر قۋاتىن يمپورتتاۋ قاشانعا دەيىن جالعاسادى؟

نۇر-سۇلتان. قازاقپارات - رەسەيدەن ەلەكتر قۋاتىن يمپورتتاۋ قاشانعا دەيىن جالعاسادى؟

ق ر ەنەرگەتيكا ءمينيسترى ماعزۇم مىرزاعاليەۆكە ورتالىق كوممۋنيكاتسيالار قىزمەتىندە وتكەن بريفينگىدە وسىنداي سۇراق قويىلدى، دەپ حابارلايدى قازاقپارات ءتىلشىسى.

«رەسەيدەن ەلەكتر ەنەرگياسىن يمپورتتاۋدى جوسپارلاپ وتىرمىز با دەگەن ماسەلەگە كەلسەك، ءيا، جوسپارلاپ وتىرمىز. ويتكەنى قاجەتتى كولەم كەرەك. قازىردىڭ وزىندە رەسەي فەدەراتسياسىنداعى ارىپتەستەرىمىزبەن كەلىسسوز جۇرگىزىپ جاتىرمىز. كولەمىنە كەلسەك، ورتا ەسەپپەن تاۋلىكتىڭ ۋاقىتىنا قاراي 500-1000 م ۆ ت كولەمىندە قۇبىلادى دەپ ەسەپتەپ وتىرمىز. باعاسى بويىنشا كەلىسسوز ءالى ءجۇرىپ جاتىر»، - دەگەن مينيستر بۇل جۇمىس جەكە كومپانيالاردىڭ كۇشىمەن ىسكە اساتىنىن ەسكە سالدى.

سونداي-اق، ول ەلدە ەنەرگەتيكالىق بالانس ساقتاۋ ءۇشىن يمپورت قاجەت ەكەنىن اتادى. «يمپورت قاشانعا دەيىن جالعاسادى؟ ءبىز دايىنداعان ەنەرگەتيكالىق بالانس بويىنشا ەلەكتر قۋاتىنىڭ تاپشىلىعى الداعى 4-5 جىلدا ساقتالادى. ماسەلە ەنەرگەتيكا سالاسىنىڭ ايتارلىقتاي يننەرتسيالى سالا ەكەندىگىندە. ياعني، كەز كەلگەن ستانسا سالۋ كەم دەگەندە 4-5 جىلعا سوزىلادى. وسىعان بايلانىستى ەلەكتر ەنەرگياسىن تاعى 4-5 جىل يمپورتتايمىز»، - دەدى ماعزۇم مىرزاعاليەۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات