ورالدا ءبىر ايلىق مولشەردەگى قار ءتۇستى

ورال. قازاقپارات - ورال قالاسىندا ءبىر ايلىق مولشەردەگى قار ءتۇستى، دەپ حابارلايدى قازاقپارات ءتىلشىسى.

ورال قالاسى تۇرعىن ءۇي-كوممۋنالدىق شارۋاشىلىعى جانە تۇرعىن ءۇي ينسپەكتسياسى ءبولىمىنىڭ باسشىسى جاندوس دۇيسەنعاليەۆتىڭ ءمالىم ەتكەنىندەي، وتكەن دەمالىس كۇندەرىندەگى اۋا رايىنىڭ قولايسىزدىعىنان (بوران مەن قار) 2 مىڭنان استام ابونەنت ەلەكتر جارىعىنسىز قالدى.

ونىڭ سوزىنە قاراعاندا، 25-26- جەلتوقسان كۇندەرى ەلەكتر جەلىلەرىندەگى اپاتتار بويىنشا 100 دەن استام ءوتىنىم ءتۇستى. جاۋعان قاردىڭ كوپتىگىنەن نەگىزىنەن اۋە جەلىلەرى ءۇزىلدى.

«قۇرىلىسشى»، «كۋرەني» شاعىن اۋداندارى مەن زاچاگان كەنتىندە 8 بريگادا 10 تەحنيكامەن جۇمىس جاسادى.

قار تازارتۋ جۇمىستارىنا 115 اۆتوتەحنيكا، 250 جۇمىسشى جۇمىلدىرىلدى. ءبىر جارىم تاۋلىك ىشىندە قالادان 10 مىڭ تەكشە مەتر، ال قار جاۋۋ باستالعاننان بەرى بارلىعى 25 150 تەكشە مەتر قار شىعارىلدى.

قالادا ءبىر كۇندە ءبىر ايلىق مولشەردەگى قار ءتۇسىپ، بيىكتىگى 15 سانتيمەترگە جەتتى. قار تازارتۋ جۇمىستارى ودان ءارى جالعاسۋدا.

«وعان قوسا وتكەن دەمالىس كۇندەرى قالانىڭ بىرنەشە اۋدانىندا 15700 ابونەنت سۋسىز قالدى. جوندەۋ جۇمىستارى ناتيجەسىندە سۋ بەرۋ تەز قالپىنا كەلتىرىلدى»، دەدى ج. دۇيسەنعاليەۆ.

ەسكە سالا كەتەيىك، بۇدان بۇرىن ب ق و- دا بورانعا بايلانىستى تاعى ءبىر رەسپۋبليكالىق جولدىڭ جابىلعانىن، قاتتى جەلدەن كوللەدج عيماراتىنىڭ شاتىرى ۇشىپ كەتكەنىن، مادەنيەت ءۇيىنىڭ شاتىرى قۇلاعانىن جازعان بولاتىنبىز. سونداي-اق باتىس قازاقستاندا 20 دان استام اۆتوكولىك قار قۇرساۋىندا قالدى.