ءبىز ەسكەرە بەرمەيتىن ەتيكەت ەرەجەلەرى

نۇر-سۇلتان. قازاقپارات - ءبىز ءبارىمىز تاماقتانۋ بارىسىندا پىشاق وڭ قولدا، ال شانىشقى سول قولدا بولۋى كەرەك ەكەنىن جاقسى بىلەمىز، ءبىراق ەتيكەت ەرەجەلەرى مۇنىمەن شەكتەلمەيدى.

ونىڭ كەيدە ءبىز كەيدە ۇمىتىپ كەتىپ جاتاتىن پۋنكتتەرى دە بار.

قولشاتىرىڭىزدى دۇرىس قۇرعاتىڭىز

جاڭبىر جاۋعان كۇندەرى بىرەن- ساران بولماسا، كوبى قولشاتىرمەن جۇرەدى. جانە عيماراتقا كىرگەندە ونى اشىپ قويادى. ءيا، شىنىندا دا، ول مۇنداي قالىپتا جىلدام كەبەدى، ءبىراق ەتيكەت ەرەجەلەرىنە سايكەس مۇنداي ارەكەت مۇلدەم دۇرىس ەمەس. نەلىكتەن؟ مۇنىڭ سەبەبى ءسىز ويلاعاننان دا قاراپايىم: ەگەر ءسىز كەڭسەدە نەمەسە كەز كەلگەن باسقا قوعامدىق ورىندا قولشاتىرىڭىزدى اشساڭىز، باسقالار دا سولاي جاسايدى، دەمەك قولشاتىرلار بۇكىل كەڭىستىكتى تولتىرادى جانە مۇنداي جەردە قوزعالۋ وتە قيىنعا سوعادى. سوندىقتان قولشاتىر بۇكتەلگەن بولۋى كەرەك (ءبىراق وراۋدىڭ قاجەتى جوق، ايتپەسە ءبىراز ۋاقىتقا دەيىن جاعىمسىز ءيىس شىعىپ تۇرۋى مۇمكىن).

ەدەندەگى سومكە

ەۋروپالىق بيكەشتەر سومكەلەرىن ەدەنگە قويادى. بۇل تاڭقالارلىق جايت ەمەس، سەبەبى ءبىز سەكىلدى سومكەنى ۇستاپ وتىرۋ ەتيكەت ەرەجەلەرىنەن حابارسىز ەكەنىمىزدى بىلدىرەدى. ونى جەرگە قويعىڭىز كەلمەسە جانىڭىزداعى ورىندىقتىڭ ارقاسىنا ءىلىپ قويۋعا بولادى. ال ەدەندە تۇرسا، مۇلدەم ەشكىمگە كەدەرگى جاسامايدى.

ەر ادام ايەلدىڭ سول جاعىندا

كوشەدەگى ەتيكەت ەرەجەلەرى بويىنشا ەر ادام ءارقاشان ايەلدىڭ سول جاعىندا ءجۇرۋى كەرەك. بۇل ادەت- عۇرىپتىڭ وزىندىك تاريحى بار: بىرنەشە عاسىر بۇرىن ەر ادام ۇيدەن قارۋسىز شىعا المايتىن، ادەتتە، دجەنتلمەننىڭ بەلبەۋىنە بەكىتىلگەن قىلىش، قانجار نەمەسە وزگە قارۋ بولادى. ال ەر ادام ايەلدىڭ سول جاعىندا ءجۇرۋ ارقىلى قارۋدىڭ نازىك جاندى ءۇشىن ءقاۋىپسىز بولۋىن قامتاماسىز ەتەدى.

ۇستەل ۇستىندەگى تەلەفون

ەگەر دوستارىڭىزبەن كەزدەسۋ نەمەسە ىسكەرلىك تۇسكى اس كەزىندە تەلەفونىڭىز كوز الدىڭىزدا جاتسىن دەپ ۇستەل ۇستىنە قويساڭىز، سونىمەن قاتار ونى ۇنەمى قولىڭىزعا الىپ تەكسەرە بەرسەڭىز، وندا ءسىز تەلەفونعا قاتىستى ەتيكەت ەرەجەسىن ساقتامادىڭىز دەگەن ءسوز.

وسىلايشا ءسىز بايلانىس قۇرىلعىسىنىڭ ءسىزدىڭ ومىرىڭىزدە قانشالىقتى ماڭىزدى ەكەنىن جانە الدىڭىزداعى ادامدارعا قانشالىقتى نەمقۇرايلى ەكەنىڭىزدى كورسەتەسىز.

مەيرامحاناداعى تاپسىرىستى تولەۋ

كوپتەگەن ايەلدەر مەيرامحاناداعى استىڭ اقىسىن ەر ادام تولەۋى كەرەك دەسە دە، ونىڭ ءوز نيۋانستارى بار. ماسەلەن، ەگەر ءسىز ەر ادامدى «مەن شاقىرامىن» دەگەن ناقتى سوزبەن مەيرامحاناعا شاقىرساڭىز، وسىلايشا ءسىز ءوزىڭىز ءۇشىن عانا ەمەس، شاقىرىلعان ادام ءۇشىن دە تولەۋگە دايىن ەكەنىڭىزدى راستايسىز. ىسكەرلىك تۇسكى اس (كەشكى اس / تاڭعى اس) ءۇشىن دە سولاي: ەگەر ايەل سەرىكتەسىن مەيرامحاناعا شاقىرسا، ءوزى تولەيدى.

massaget.kz