USD 424.84 EUR 453.6
RUB 7.3 CNY 63.91
جاڭالىقتار

الەمدەگى كوروناۆيرۋس: ەۋروپا ەلدەرىندە شەكتەۋلەر ەنگىزىلىپ، ۇشۋعا تىيىم سالىندى

25 جەلتوقسان 15:38
:ءبولىسۋ
الەمدەگى كوروناۆيرۋس: ەۋروپا ەلدەرىندە شەكتەۋلەر ەنگىزىلىپ، ۇشۋعا تىيىم سالىندى

نۇر-سۇلتان. قازاقپارات - ەۋروپالىق مەديتسينالىق ساراپشىلار دەمىن ىشىنە تارتىپ وتىر، ويتكەنى الداعى اپتالار كونتينەنت ءۇشىن شەشۋشى بولماق.

«وميكرون» نۇسقاسى قاۋىپتى توپتارعا تارالادى جانە ول اۋرۋحاناعا جاتقىزۋ تولقىنىن تۋدىرۋ- تۋردىرماۋى انىقتالادى.

ا ق ش، اۆستراليا جانە باسقا ەلدەردە «وميكرون» سالدارىنان بۇكىل الەم بويىنشا مىڭداعان رەيستەر توقتاتىلدى. بەتلەحەم روجدەستۆونى شەكتەۋلەرمەن اتاپ وتۋگە دايىندالىپ جاتىر. بۇل تۋرالى بي- بي-سي رەسەيلىك قىزمەتىنىڭ شولۋىندا ايتىلعان، دەپ حابارلايدى «قازاقپارات» ح ا ا.

«وميكرون» نۇسقاسى بۇكىل پلانەتادا تارالىپ، بارلىق ۇلتتىق ۇكىمەتتەردى كوبىرەك شەكتەۋلەر ەنگىزۋگە ءماجبۇر ەتەدى. ەۋروپانىڭ كوپتەگەن ەلدەرى ينفەكسيا دەڭگەيىنىڭ كۇرت ءوسۋىن اتاپ ءوتتى، نيدەرلاندىدا وسى اپتادا بارلىق «قوسىمشا» مەكەمەلەر جابىلىپ، قاتاڭ وقشاۋلاۋ ەنگىزىلدى، جۇمادا يتاليا مەن يسپانيادا تۇرعىندار كوشەدە دە بەتپەردە تاعۋعا مىندەتتەلدى. باسقا ەۋروپا ەلدەرى روجدەستۆو مەن جاڭا جىل اراسىندا قاتاڭ شارالار قولدانۋعا دايىندالۋدا.

گەرمانيادا 28-جەلتوقساننان باستاپ 10 ادامنان استام توپتا جينالۋعا تىيىم سالىنىپ، فۋتبول ماتچتارى جابىق ەسىك جاعدايىندا وتەدى.

پورتۋگاليادا لوكداۋن 26-جەلتوقساندا باستالادى، سونىمەن قاتار مىندەتتى جۇمىستار دا ۇيدەن اتقارىلادى. مۇنىڭ ءبارى «وميكرون» نۇسقاسىنىڭ وتە جىلدام تارالۋىنا بايلانىستى. كەيبىر ساراپشىلاردىڭ ايتۋىنشا، حالقىنىڭ 80 پايىزدان استامى ەكپە الاتىن ەۋروپا ەلدەرى دە بۇعان دايىن بولماعان.

كيەلى كىتاپ بويىنشا يسا ءماسىح دۇنيەگە كەلگەن باتىس جاعالاۋداعى بەتلەحەمدە روجدەستۆونى تويلاۋ كەزىندە ۆيرۋسقا قارسى شارالار قاداعالانۋى ءتيىس.

BBC-دىڭ دەنساۋلىق ساقتاۋ جونىندەگى ءتىلشىسى دجەيمس گاللاحەر اتاپ وتكەندەي، قازىر الەمدەگى ەپيدەميولوگيالىق جاعداي وتكەن قىستان مۇلدە باسقاشا. ۇلىبريتانيا مەن ەۋروپا حالقىنىڭ كوپ بولىگى ۆاكسيناتسيالانعان، ال بۇگىندە بۇكىل الەمدە قولدانىلاتىن شارالار وتكەن جىلعى تولىق شەكتەۋلەردەن الدەقايدا جەڭىل.

«وميكرون» نۇسقاسى بۇرىنعىعا قاراعاندا اۋىر بەلگىلەرمەن بىرگە جۇرەدى. سوڭعى زەرتتەۋلەردە «وميكرون» اۋرۋحاناسىندا بولۋ قاۋپى «دەلتاعا» قاراعاندا %30 -%70 تومەن ەكەندىگى ايتىلعان. الايدا، بۇل بارىنە بىردەي قاتىستى ەمەس - جۇقتىرعان ادامداردىڭ كوپشىلىگىندە كادىمگى سۋىق تيۋ بەلگىلەر بولادى. «ەگەر وميكرونمەن بىرگە اۋرۋحانالارعا ەكى ەسە از ادامدار تۇسسە، ءبىراق ول ەكى ەسە كوپ ادامدى جۇقتىرسا، وندا ءبىز ءالى دە جولدىڭ باسىندا بولامىز»، - دەيدى گاللاحەر.

ۇلى بريتانيادا «وميكرون» اسىرەسە 40 جاسقا دەيىنگى ادامدارعا اسەر ەتتى. ءدال وسى ساناتتاعىلار اۋرۋحاناعا جاتقىزىلعان بريتاندىقتاردىڭ كوپ بولىگىن قۇرايدى. «وميكرون» قارتتارعا جانە باسقا دا ءقاۋىپ- قاتەر توپتارىنا جەتكەندە نە بولاتىنىن ءبىز ءالى بىلمەيمىز. ءبارى روجدەستۆولىق كەشتەردەن كەيىن بەلگىلى بولادى»، - دەيدى گاللاحەر.

روجدەستۆو قارساڭىندا بۇكىل الەم بويىنشا رەيستەردى توقتاتۋ سالدارىنان ا ق ش پەن اۆسترالياداعى اۆياكومپانيالار ميلليونداعان جولاۋشىلار بيلەت ساتىپ العان جۇزدەگەن رەيستەردەن باس تارتتى. امەريكالىق United Airlines كومپانياسى رەيستەردىڭ توقتاتىلۋىن ونىڭ قىزمەتكەرلەرىنىڭ كوپ بولىگىندە كوروناۆيرۋس انىقتالعاندىعىمەن ءتۇسىندىردى. اۆستراليادا سيدنەي مەن مەلبۋرن اراسىنداعى 100-گە جۋىق رەيس توقتاتىلدى. رەيستەردى توقتاتۋ مىڭداعان جولاۋشىلاردىڭ جولىن بوگەدى. جۇما كۇنى ا ق ش- تاعى وميكرون نۇسقاسىن جۇقتىرعانداردىڭ سانى وتكەن پاندەميا تولقىنىنىڭ شىڭىنان اسىپ ءتۇستى.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات