اكۋشەر-گينەكولوگ جۇكتى ايەلدەرگە نەگە كوروناۆيرۋسقا قارسى ەگۋ ۇسىنىلاتىنىن ايتتى

None
None
كوكشەتاۋ. قازاقپارات - كوكشەتاۋ ەمحاناسىنىڭ اكۋشەريا جانە گينەكولوگيا جونىندەگى باس دارىگەرىنىڭ ورىنباسارى جۇلدىز الپيلام جۇكتى ايەلدەرگە كوروناۆيرۋسقا قارسى ەكپە الۋدىڭ نەلىكتەن ماڭىزدى ەكەنىن ايتتى، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.

جۇلدىز الپيلام ايەل مەن بالانى كوبىرەك قورعاۋ ءۇشىن جۇكتىلىك كەزىندە نەمەسە ودان بۇرىن ۆاكسيناتسيادان وتكەن دۇرىس دەپ سانايدى. ويتكەنى جۇكتىلىك كوپتەگەن فيزيولوگيالىق وزگەرىستەردى تۋدىرادى.

«بۇل جۇكتىلىك كەزىندەگى يممۋنوسۋپرەسسيۆتى جاعداي، بۇل گيپەركواگۋلياتسيا، جۇكتى ايەلدەردە پروگەستەرون گورمونى جوعارىلايدى. جاتىردىڭ وسۋىمەن كەۋدە ازداپ قىسىلادى، وكپەگە ەكسكۋرسيا بۇزىلادى جانە ايەل ءۇشىنشى تريمەستردە تولىق كەۋدەمەن دەم الا المايدى»، - دەدى گينەكولوگ.

جۇلدىز الپيلامنىڭ ايتۋىنشا، ءوزىن جانە بولاشاق ءسابيدى بارىنشا قاۋىپسىزدەندىرۋ ءۇشىن كوروناۆيرۋسقا قارسى ۆاكسيناتسيادان جۇكتىلىككە دەيىن نەمەسە جۇكتىلىك كەزىندە ءوتۋ كەرەك.

«ەگەر ايەل جۇكتىلىككە دەيىن كوروناۆيرۋسقا قارسى ۆاكسيناتسيا الماسا، وندا ونى جۇكتىلىك كەزىندە، 16-37 اپتا ىشىندە سالدىرعانى دۇرىس. بۇل ۆاكسينا قاۋىپسىز، ايەل وسى ۆيرۋسقا قارسى يممۋنيتەتتى الادى. ەگەر ورگانيزم كەنەتتەن ءتىرى ۆيرۋسكە كەزىكسە، ول ونى اسيمپتوماتيكالىق تۇردە جۇقتىرۋى مۇمكىن»، - دەيدى دارىگەر.

كوپتەگەن جاعدايلاردا جۇكتى ايەلدەر كەلىسەدى جانە ۆاكسيناتسيانىڭ ماڭىزدىلىعىن تۇسىنەدى. ءبىراق، جۇلدىز الپيلامنىڭ ايتۋىنشا، ولاردى اينالاسىنداعىلار - تۋىستارى كەرىسىنشە الماۋعا شاقىرادى.

«وكىنىشكە وراي، بىزدە بارلىق وتباسى مۇشەلەرىمەن سويلەسۋگە ءارقاشان مۇمكىندىك بولا بەرمەيدى. سوندىقتان مەن باسقالاردان بۇل ماسەلەگە وتە مۇقيات قاراۋدى سۇرايمىن. ويتكەنى، بيىلعى جىلى وبلىستا 1120 جۇكتى ايەل كوروناۆيرۋسپەن اۋىردى، 52 ايەلدىڭ جاعدايى اۋىر بولدى. وكىنىشكە وراي، بەسەۋى كوز جۇمدى»، - دەپ تۇيىندەدى دارىگەر.

اۆتور: اسلان وسپانوۆ

سوڭعى جاڭالىقتار