USD 429.57 EUR 447.35
RUB 6.94 CNY 63.23
جاڭالىقتار

ەلوردادا كونە تۇركى تىلىندەگى قۇران كىتابى تانىستىرىلدى

24 جەلتوقسان 12:45
:ءبولىسۋ
ەلوردادا كونە تۇركى تىلىندەگى قۇران كىتابى تانىستىرىلدى

نۇر-سۇلتان. قازاقپارات - ەلورداداعى ۇلتتىق اكادەميالىق كىتاپحانادا ءوتىپ جاتقان «شىعىستىڭ شوقجۇلدىزدارى» اتتى حالىقارالىق كونفەرەنسيادا كونە تۇركى تىلىندەگى قۇران كىتابى تانىستىرىلدى، دەپ حابارلايدى قازاقپارات ءتىلشىسى.

«پرەزيدەنتىمىز ايتقانداي، ەكونوميكامەن قاتار مادەني- گۋمانيتارلىق باعىتتارعا دا ۇلكەن ءمان بەرۋىمىز شارت. وسى باعىتتا تۇركى ينتەگراتسياسىنا حالىقارالىق تۇركى اكادەمياسى ۇلكەن ۇلەس قوسىپ وتىر دەپ اۋىز تولتىرىپ ايتا الامىز. اكادەميا باۋىرلاس تۇركى حالقىنىڭ مادەني- گۋمانيتارلىق بايلانىسىن نىعايتۋعا زور ەڭبەك سىڭىرۋدە. تۇركىنىڭ تاريحىنا، تىلىنە، مادەنيەتى مەن ادەبيەتىنە قاتىستى ىرگەلى زەرتتەۋلەر جۇرگىزە وتىرىپ، ءبىرتۇتاس رۋحاني الەمىمىزدى بايىتۋ جولىندا اۋقىمدى جۇمىس اتقارىپ كەلەدى. سولاردىڭ ءبىرى اكادەميانىڭ ۇيىتقى بولۋىمەن جارىق كورىپ، بۇگىن كوپشىلىككە تانىستىرىلىپ وتىرعان كونە تۇركى تىلىندەگى قۇران كىتابى»، - دەدى سەنات سپيكەرى.

ايتۋىنشا، قاسيەتتى قۇرانىمىز وسىدان 1000 جىل بۇرىن اراب تىلىنەن كونە تۇركى تىلىنە العاش رەت اۋدارىلعان ەكەن.

«مۇنىڭ ءوزى سول كەزدەگى تۇركى عىلىمىنىڭ جوعارى دەڭگەيىن كورسەتەدى. تۇركى وركەنيەتى 8-9-عاسىرلاردىڭ وزىندە وزىق دارەجەگە كوتەرىلگەنى تاريحتان بەلگىلى. قاسيەتتى قۇران كىتابىنىڭ سول كەزدەگى فاكسيميلە نۇسقاسىندا قايتا باسىلۋى ءدىنتانۋشىلار، تاريحشىلار، جالپى تۇتاس تۇركى جۇرتى ءۇشىن ماڭىزدى وقيعا»، - دەدى ماۋلەن اشىمبايەۆ.

اۆتور: ەسىمجان ناقتىباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات