قازاق پەن تۇرىكتىڭ ۇلى اقىندارىنا ارنالعان بارەلەف تانىستىرىلدى

None
None
نۇر- سۇلتان. قازاقپارات - ەلوردادا «اباي جانە يۋنۋس ەمرە: رۋحاني ۇندەستىك» تاقىرىبىندا حالىقارالىق جيىن ءوتتى، دەپ حابارلايدى قازاقپارات ءتىلشىسى.

جيىن بارىسىندا حالىقارالىق «اباي- جيدەباي» قوعامدىق قورىنىڭ ۇيىمداستىرۋىمەن جانە رەسەي ونەر اكادەمياسىنىڭ قۇرمەتتى مۇشەسى، پروفەسسور بايارلين ازاتتىڭ سومداۋىمەن جاسالعان، قازاق جانە تۇرىك ەلىنىڭ ۇلى اقىندارىنا ارنالعان، قولادان قۇيىلعان بارەلەفتىڭ تانىستىرىلىمى ءوتتى.

ۇلى اقىن اباي مەن يۋنۋس ەمرەنىڭ قولادان قۇيىلعان بارەلەفىنىڭ ۇزىندىعى - 1 350 م م، بيىكتىگى - 900 م م، ال ەنى - 350 م م. سالماعى 135 كەلى تارتادى. ونى الداعى ۋاقىتتا نۇر- سۇلتان قالاسىنداعى قالامگەرلەر اللەياسىنا ورناتۋ جوسپارلانىپ وتىر.

حالىقارالىق جيىنعا ل. گۋميليەۆ اتىنداعى ەۇۋ، قازاقستان رەسپۋبليكاسىنىڭ تۇركيا رەسپۋبليكاسىنداعى ەلشىلىگى، تۇركيا رەسپۋبليكاسىنىڭ قازاقستان رەسپۋبليكاسىنداعى ەلشىلىگى، «اباي اكادەمياسى» عىلىمي- زەرتتەۋ ينستيتۋتى، حالىقارالىق «اباي- جيدەباي» قوعامدىق قورى، ەۋرازيا جازۋشىلار وداعى، قازاقستان جازۋشىلار وداعى، يۋنۋس ەمرە اتىنداعى تۇرىك مادەني ورتالىعى، شىعىس قازاقستان وبلىسى اباي اۋداندىق قوعامدىق كەڭەسى، اباي اتىنداعى قازاق ۇلتتىق پەداگوگيكالىق ۋنيۆەرسيتەتى، م. ح. دۋلاتي اتىنداعى تاراز وڭىرلىك ۋنيۆەرسيتەتى جانە باسقا دا وڭىرلىك جوعارى وقۋ ورىندارى، قىزىعۋشىلىق تانىتقان زەرتتەۋشىلەر قاتىستى.

حالىقارالىق جيىندا پروفەسسور شاكىر يبرايەۆ «يۋنۋس ەمرە جانە اباي پوەزياسىنداعى سوپىلىق موتيۆتەردىڭ ترانسفورماتسياسى»، گۇلبانۋ قوسىموۆا «يۋنۋس ەمرە جانە اباي: يدەيالار ساباقتاستىعى»، پروفەسسور ماعريپا ەسكەيەۆا «يۋنۋس ەمرە جانە اباي شىعارمالارى تىلىندەگى ءدىني قۇندىلىقتار كورىنىسى»، پروفەسسور سامەن قۇلباراق «حاقتى ءسۇيۋ جانە ىزگىلىك جارشىسى»، پروفەسسور جانات ايمۇحامبەت «ءجۇنىس ەمرە جانە اباي پوەزياسى رۋحاني- كوركەم تەزاۋرۋس اسپەكتىسىندە»، اقىن- جازۋشى، «اباي جولى» رومانىنىڭ اۋدارماشىسى، زافەر كيبار «Abay ve Yunus Emre ’de ەğitim ve İnsan Sevgisi « (اباي مەن يۋنۋس ەمرەدە ءبىلىم جانە ادام سۇيىسپەنشىلىگى) تاقىرىپتارىندا بايانداما جاسادى.


سوڭعى جاڭالىقتار