USD 425.02 EUR 450.1
RUB 7.17 CNY 63.75
جاڭالىقتار

ساۋران، سىعاناق، وتىرار قالالارى دۇنيەجۇزىلىك مۇرالار تىزىمىنە ەنگىزىلەدى

22 جەلتوقسان 15:12
:ءبولىسۋ
ساۋران، سىعاناق، وتىرار قالالارى دۇنيەجۇزىلىك مۇرالار تىزىمىنە ەنگىزىلەدى

نۇر-سۇلتان. قازاقپارات - وزبەكستان، قىرعىزستان، تاجىكستان جانە قازاقستان تاريحي- مادەني ەسكەرتكىشتەرىن دۇنيەجۇزىلىك مۇرالار تىزىمىنە كىرگىزۋ ءۇشىن بىرلەسىپ ارەكەت ەتىپ جاتىر.

بۇل تۋرالى ق ر مادەنيەت جانە سپورت ءمينيسترى اقتوتى رايىمقۇلوۆا ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا وزبەكستان، قىرعىزستان جانە تاجىكستان ەلدەرىمەن بىرلەسىپ، قازاقستاننىڭ بىرەگەي تاريحي جانە مادەني ەسكەرتكىشتەرىن دۇنيەجۇزىلىك مۇرالار تىزىمىنە ەنگىزۋ ءۇشىن «ۇلى جىبەك جولى- فەرعانا- سىرداريا ءدالىزى» اتتى ترانسۇلتتىق نوميناتسياسىن ىلگەرىلەتۋ بويىنشا نوميناتسيالىق قۇجاتتامانى دايىنداۋ جۇمىستارى ءجۇرىپ جاتىر»، - دەدى مينيستر ورتالىق كوممۋنيكاتسيالار قىزمەتىندە وتكەن بريفينگىدە.

ونىڭ سوزىنە قاراعاندا، اتالمىش قۇجات قابىلدانسا قازاقستان اۋماعىنداعى 6 ءىرى نىسان وسى تىزىمگە قوسىلۋى كەرەك.

«قازاقستان اۋماعىنا ساۋران، جەتىاسار، جانكەنت، سىعاناق، وتىرار، كۇلتوبە- ياسسى سياقتى وبەكتىلەر كىرەدى.

«جاھانداعى زاماناۋي قازاقستاندىق مادەنيەت» ارنايى جوباسى اياسىندا دا 20 ءىس-شارا ءوتتى»، - دەدى اقتوتى رايىمقۇلوۆا.

اۆتور: ەسىمجان ناقتىباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات