گۇلناز كارىمجاننىڭ «قانداستار» كىتابى جارىق كوردى
الىستا بولسا دا، اتامەكەندەگى مەرەكەلەر مەن ايتۋلى كۇندەردى قالت جىبەرمەيتىن قانداستارىمىز ءتول مەرەكەنى دە وسىمەن بىرنەشە رەت اتاپ ءوتىپ جاتىر. بۇل جولى شارانىڭ ماڭىزىن ارتتىراتىن سۋ جاڭا كىتاپتىڭ تۇساۋكەسەرى ءوتتى.
جۋرناليست گۇلناز كارىمجاننىڭ «قانداستار» كىتابىنىڭ تۇساۋكەسەرى ىستامبۇلدا ءوتۋى بەكەر ەمەس. ويتكەنى، كوپ تومدىق كىتاپتىڭ ءبىرىنشىسى تۇركيادا تۇراتىن قانداستارىمىزعا ارنالعان.
ءابدىۋاقاپ قارا، ميمار سينان ۋنيۆەرسيتەتىنىڭ پروفەسسورى، تاريحشى:
- بۇل كىتاپتىڭ ءمانى ەرەكشە، مەن ءبىر تاريحشى رەتىندە ايتايىن. ءسوز ۇشادى جازۋ قالادى. جاقسىنىڭ اتى ولمەيدى، عالىمنىڭ حاتى ولمەيدى دەيدى. حات دەگەن ءسوز كىتاپ دەگەن ءسوز. بۇل كىتاپ كەلەشەك ۇرپاققا وسى تۇركيا قازاعىنىڭ مادەنيەتىن تانىستىرادى، ءومىر تىرشىلىگىن تانىستىرادى. بۇل كىتاپ باجايلاپ قاراعان كىسىگە دۇنيەجۇزىندەگى قازاقتىڭ مادەنيەتى ورتاق ەكەنىن، قايعىسى، قۋانىشى، مۇڭى، ماقساتى مۇددەسى ورتاق ەكەنىن ايگىلەپ وتىر. سونىسىمەن دە ەرەكشە قۇنعا يە دەپ ويلايمىز.