USD 424.84 EUR 453.6
RUB 7.3 CNY 63.91
جاڭالىقتار

ارمەنيا پرەزيدەنتى ەلباسىنا قۇتتىقتاۋ حات جولدادى

17 جەلتوقسان 17:50
:ءبولىسۋ
ارمەنيا پرەزيدەنتى ەلباسىنا قۇتتىقتاۋ حات جولدادى

ەرەۆان. قازاقپارات - ارمەنيا پرەزيدەنتى ارمەن ساركيسيان قازاقستاننىڭ تۇڭعىش پرەزيدەنتى نۇرسۇلتان نازاربايەۆقا تاۋەلسىزدىكتىڭ 30 جىلدىعىنا بايلانىستى قۇتتىقتاۋ سالەمدەمەسىن جىبەردى.

بۇل تۋرالى «قازاقپارات» ح ا ا مەنشىكتى ءتىلشىسى ارمەنيا پرەزيدەنتىنىڭ باسپا ءسوز قىزمەتىنە سىلتەمە جاساپ حابارلايدى.

«قازاقستاننىڭ تاۋەلسىزدىك جىلدارىندا قول جەتكىزگەن اۋقىمدى رەفورمالارى مەن بارلىق تابىستارى ءسىزدىڭ اتىڭىزبەن بايلانىستى. ءسىزدىڭ دانا دا كورەگەن ساياساتىڭىزدىڭ، كۇش- قۋاتىڭىزدىڭ جانە جوعارى كاسىبي شەبەرلىگىڭىزدىڭ ارقاسىندا قازاقستان بۇگىندە ساياسي، الەۋمەتتىك- ەكونوميكالىق جانە عىلىمي- تەحنيكالىق دامۋ جولىندا نىق سەنىممەن قادام باسىپ كەلەدى جانە وڭىرلىك جانە حالىقارالىق ىستەردە ەلەۋلى ءرول اتقارۋدا»، - دەلىنگەن سالەمدەمەدە.

ارمەنيا پرەزيدەنتى ەلباسىنىڭ جان-جاقتى ءبىلىمى مەن ادامگەرشىلىك قاسيەتتەرى الداعى ۋاقىتتا دا ەلىمىزدىڭ ودان ءارى تابىسقا جەتىپ، دامۋىنىڭ كەپىلى بولاتىنىنا سەنىمدى. بۇعان دەيىن نۇرسۇلتان نازاربايەۆتىڭ اتىنا تۇركيا رەسپۋبليكاسىنىڭ پرەزيدەنتى رەجەپ تايىپ ەردوعاننان، قىتاي حالىق رەسپۋبليكاسىنىڭ ءتوراعاسى شي جينپيڭنەن، قىرعىزستان رەسپۋبليكاسىنىڭ پرەزيدەنتى سادىر جاپاروۆتان، تاجىكستان رەسپۋبليكاسىنىڭ پرەزيدەنتى ەمومالي راحموننان، تۇرىكمەنستان پرەزيدەنتى گۋربانگۋلى بەردىمۇحامەدوۆتەن جانە باسقا ەلدەردىڭ كوشباسشىلارىنان قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي قۇتتىقتاۋ جەدەلحاتتارى مەن حاتتارى كەلىپ تۇسكەن بولاتىن.

اۆتور: اقبوپە ءابدراسۋل


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات