USD 424.84 EUR 453.6
RUB 7.3 CNY 63.91
جاڭالىقتار

لوندوندا تاريحي عيمارات كوك بايراق تۇسىنە بويالدى - فوتو

17 جەلتوقسان 17:21
:ءبولىسۋ
لوندوندا تاريحي عيمارات كوك بايراق تۇسىنە بويالدى - فوتو

لوندون. قازاقپارات - قازاقستان رەسپۋبليكاسى تاۋەلسىزدىگى كۇنىنىڭ قۇرمەتىنە لوندون ورتالىعىنداعى عيمارات ەلىمىزدىڭ كوك بايراعىنىڭ تۇسىنە بويالدى.

سونىمەن قاتار ەل ەگەمەندىگىنىڭ 30 جىلدىعى لوگوتيپى دا قاسبەتتەن كورىنىس تاپتى، دەپ حابارلايدى قازاقپارات ءتىلشىسى.

ۇلى بريتانيانىڭ باستى اۋدانى ترافالگار الاڭى جانىندا ورنالاسقان تاريحي عيماراتتىڭ بوي كوتەرگەنىنە ءبىر عاسىردان استام ۋاقىت بولعان. قازىر مۇندا قازاقستان رەسپۋبليكاسىنىڭ ەلشىلىگى جۇمىس ىستەيدى.


Kazakhstan House دەگەن ماڭدايشاسى بار نىساننىڭ جانىنان كۇنبە- كۇن ميلليونداعان تۋريستەر مەن جەرگىلىكتى تۇرعىندار وتەدى. تاۋەلسىزدىك كۇنى كەشىندە لوندوندا ۋاقىتشا تۇرىپ جاتقان قازاقستاندىقتار دا عيمارات جانىندا جينالىپ، ۇلتتىق ءانۇرانىمىزدى ورىندادى.

«وسى مەرەكە- تويمەن قۇتتىقتاعىم كەلەدى. امان بولىڭىزدار، ساۋ بولىڭىزدار. مەرەكە قۇتتى بولسىن. العا، قازاقستان!»، دەيدى «بولاشاق» باعدارلاماسىمەن كينگس كوللەدج ۋنيۆەرسيتەتىندە سوت- مەديتسينالىق ساراپتاما ماماندىعى بويىنشا تاعىلىمدامادان ءوتىپ جاتقان ستۋدەنت ءازيز يبراحيموۆ.

«مەن العا، قازاقستان دەگىم كەلەدى. حالىققا بارلىق جاقسىلىقتاردى تىلەيمىن. بۇل وتە جاقسى باستاما. مەن قازاقستاندى قولدايمىن!» دەيدى كوشە جۇرگىنشەلەرىنىڭ ءبىرى ادام سميت.


اۆتور: عالىمجان قارامان ۇلى



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات