حالىقارالىق بالالار بايقاۋىنا ونلاين داۋىس بەرۋ باستالدى

None
None
نۇر-سۇلتان. قازاقپارات - Junior Eurovision بالالار ءان بايقاۋىنىڭ رەسمي سايتىندا كورەرمەندەردىڭ ونلاين- داۋىس بەرۋى باستالدى، دەپ حابارلايدى قازاقپارات.

ونلاين داۋىس بەرۋ 19-جەلتوقساندا ساعات 21.00-دە اشىلاتىن اۋقىمدى فينالدىق كونسەرت باستالعانشا جالعاسادى. سودان كەيىن بارلىق قاتىسۋشىلاردىڭ جاندى داۋىستاعى قويىلىمىنان كەيىن قايتادان تەك 15 مينۋت ىشىندە داۋىس بەرۋگە بولادى. كورەرمەندەردىڭ داۋىس بەرۋ ناتيجەلەرى قازىلار القاسىنىڭ باعالاۋىمەن بىرگە قورىتىندىلانادى - وسىلايشا جەڭىمپاز انىقتالادى.

بيىلعى قاتىسۋشىلار پاريجدەگى La Seine Musicale زالىنىڭ ساحناسىندا ونەر كورسەتەدى.

ءان بايقاۋىنىڭ ترانسلياتسياسىن ساعات 21:00-دە «حابار» تەلەارناسىنان تىكەلەي ەفيردە كورۋگە بولادى.

ايتا كەتەيىك، قازاقستاننان بەكنۇر جانىبەك ۇلى مەن ءالينۇر حامزين دۋەتى «ەرتەگى الەمى» ءانىن ورىندايدى. ولار حالىقارالىق بايقاۋدا 10 نومەرىمەن ونەر كورسەتەدى.


اۆتور: ايجان سەرىكجان قىزى

سوڭعى جاڭالىقتار