USD 424.84 EUR 453.6
RUB 7.3 CNY 63.91
جاڭالىقتار

ناسا استروناۆتى عارىشتان قازاقستاندى تاۋەلسىزدىك كۇنىمەن قۇتتىقتادى

17 جەلتوقسان 14:00
:ءبولىسۋ
ناسا استروناۆتى عارىشتان قازاقستاندى تاۋەلسىزدىك كۇنىمەن قۇتتىقتادى

نۇر-سۇلتان. قازاقپارات - ناسا استروناۆتى مارك ۆاندە حاي حالىقارالىق عارىش ستانساسىنىڭ (ح ع س) بورتىنان قازاقستان رەسپۋبليكاسىن تاۋەلسىزدىكتىڭ 30 جىلدىعىمەن، سونداي-اق ا ق ش- پەن دوستىقتىڭ 30 جىلدىعىمەن قۇتتىقتادى، دەپ حابارلايدى قازاقپارات ءتىلشىسى.

«مەن ءوز اتىمنان جانە ەكيپاجىمنىڭ اتىمنان قازاقستاندى تاۋەلسىزدىكتىڭ 30 جىلدىعىمەن، سونداي- اق قازاقستان- امەريكا قارىم-قاتىناسىنىڭ 30 جىلدىعىمەن قۇتتىقتايمىن»، - دەپ اتاپ ءوتتى مارك ۆاندە حاي ح ع س-تاعى بورتتان.

سونداي-اق ول 30 جىل بۇرىن قۇراما شتاتتاردىڭ قازاقستاننىڭ تاۋەلسىزدىگىن مويىنداعان العاشقى ەلدەردىڭ ءبىرى ەكەنىن اتاپ ءوتتى. سودان بەرى ەكى ەل بارلىق سالالاردا، سونىڭ ىشىندە عارىشتى مەڭگەرۋدە تىعىز قارىم-قاتىناس پەن ىنتىماقتاستىق ورناتتى.

«ماعان قازاقستانداعى بايقوڭىر عارىش ايلاعىنان وسى ۇلكەن وربيتالىق زەرتحاناعا ەكى رەت ۇشۋ باعى بۇيىردى. قازاقستاننىڭ قولداۋىنىڭ ارقاسىندا ماڭىزدى جۇمىستى جالعاستىرىپ جاتىرمىز»، - دەدى ناسا استروناۆتى.

اۆتور: اقبوپە ءابدراسۋل


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز

مۇراعات