ديماشتىڭ جاڭا بەينەبايانى شىقتى
«OMIR OTER» دەگەن اتاۋمەن شىعاتىن جاڭا مۋزىكالىق تۋىندى ادامنىڭ دۇنيە ەسىگىن اتتاعان ساتىنەن باستاپ ءومىرىنىڭ سوڭىنا دەيىنگى تاعدىرىن وبرازدى تۇردە بەينەلەيتىن اسەرلى جوبا.
دارىندى ءانشى العاش رەت ءوز ءانىن DIMASH DIGITAL SHOW ونلاين- كونسەرتىندە ورىنداعان بولاتىن. جوبا رەجيسسەرى - اننا وبويانسكايا. ۋكراينالىق مامان ديماشتىڭ دەكوراتسيا، كوستيۋم، قيىن قويىلىمدارسىز- اق كەڭىستىكتى ەرەكشە بولمىسىمەن تولتىرۋ قابىلەتىن اتاپ وتكەن بولاتىن.
«حالقىنا پايداسى ءتيىپ، ءبىر ارمانىنا جەتسە ەكەن دەگەننەن تۋىنداعان دۇنيە. اركىم ءارتۇرلى قابىلداۋى مۇمكىن. ءبىراق بۇل كليپتىڭ ىشىندە قازىرگى كوزقاراس جانە بۇرىنعى ءوتىپ كەتكەن داۋىرلەردەگى تاريحقا كوز جۇگىرتەتىن جاستاردىڭ بىزگە دەيىن دە تاۋ- تۇلعالار ءوتىپ كەتكەن، ءبىز سولاردىڭ ءىسىن جالعاستىرا الاتىنداي ۇرپاق بولا الىپ ءجۇرمىز بە دەگەن ويدى ايتاتىن دۇنيە»، - دەدى ءانشىنىڭ اكەسى قانات ايتبايەۆ.
بەينەكليپ ءتۇسىرىلىمى ەلوردا تورىندەگى «استانا وپەرا» مەملەكەتتىك وپەرا جانە بالەت تەاترىندا ءوتتى. كەيىپكەرلەردىڭ وبرازدارىن ەلوردالىق تەاترلاردىڭ جەتەكشى اكتەرلەرى، جاس ارتىستەر، ەلىمىزدىڭ ەڭبەك سىڭىرگەن ونەر قايراتكەرلەرى سومداپ شىقتى. تۇسىرىلىمگە قاتىسقان ەڭ جاس اكتريسا نەبارى ەكى جاستا. بەينەبايان «حابار» ارناسىنىڭ رەسمي Youtube ارناسىندا جاريالاندى.