تاۋەلسىزدىك كۇنىنە وراي وتاندىق تەلەارنالار جاڭا تۋىندىلارىن ۇسىنادى
«حابار» تەلەارناسىندا 29- قاراشادان بەرى «ەلباسى. تاۋەلسىزدىك جىلناماسى» دەرەكتى فيلمى كورسەتىلۋدە. قازاقستان تاۋەلسىزدىگىنىڭ 30 جىلدىعىنا ارنالعا تۋىندى 15 سەريادان تۇرادى. ونىڭ ءارقايسىسى ەلىمىزدىڭ ورىن العان تاريحي وقيعالار مەن ساتتەرگە ارنالعان قورىتىندى سەرياسى 17- جەلتوقساندا كورسەتىلەدى.
«قازاقستان تۋرالى ايتامىز». ءدال وسىنداي اتاۋمەن 13- جەلتوقساننان بەرى «حابار» تەلەارناسىندا ساعات 12:30 دا قازاقستان رەسپۋبليكاسىنىڭ تاۋەلسىزدىگى جىلدارىندا جۇمىس ىستەگەن حالىقارالىق ساراپشىلاردىڭ قاتىسۋىمەن دەرەكتى باعدارلاما تسيكلى كورسەتىلىپ ءجۇر.
باعدارلاما بارىسىن كەيىپكەرلەر ەكسكيۋزيۆتى سۇحبات بەرىپ، قازاقستانعا قاتىستى ويلارىمەن، كوزقاراستارىمەن ءبولىسىپ، ەلىمىزدە اتقارعان قىزمەتى مەن جۇمىس ناتيجەلەرى جايىندا باياندايدى.
وسى تەلەارنا 13- جەلتوقساننان بەرى تاۋەلسىزدىگىمىزدىڭ 30 جىلدىعىنا اراي «ەركىندىك سەزىمدەرى» دەرەكتى سەريالىن ۇسىنىپ ءجۇر.
جوبادا قازاقستان تۇرعىندارى، قاراپايىم ازاماتتار ەگەمەندىك جىلدارىنداعى ەستە قالعان ماڭىزدى وقيعالارمەن، ساتتەرمەن بولىسەدى. قورىتىندى سەرياسى 18- جەلتوقسان كۇنى بولادى.
«حابار» ارناسىنىڭ تاعى ءبىر دەرەكتى فيلمى «ەگەمەندىك. تاۋەلسىزدىككە دەيىنگى 418 كۇن» دەپ اتالادى دەرەكتى فيلمدە قازاقستان تاۋەلسىزدىگىن الار كەزەڭدەگى ماڭىزدى تاريحي جايتتار باياندالادى.
فيلمدى 16- جەلتوقسان كۇنى ساعات 10:00 دە تاماشالاي الاسىزدار. 18-19- جەلتوقسان كۇندەرى ساعات 12:30 دا «حابار» تەلەارناسىندا روزا باعلانوۆانىڭ ءومىر جولىنان سىر شەرتەتىن 8 ءبولىمدى سەريال كورەرمەنگە جول تارتادى.
ال «Qazaqstan» ۇلتتىق تەلەارناسى 17- جەلتوقسان كۇنى ساعات 14:50 دە تاۋەلسىزدىك كۇنىنە وراي ارنايى جوبا - «جەلتوقسان جاڭعىرىعى» اتتى دەرەكتى فيلمىن ۇسىنادى.
ارحيۆتىك قۇجاتتار مەن ناقتى دەرەكتەرگە نەگىزدەلگەن فيلم ەلىمىزدىڭ تاريحي كەزەڭى - قازاقستان رەسپۋبيكاسىنىڭ تاۋەلسىزدىككە قول جەتكىزۋىنە ارقاۋ بولعان «جەلتوقسان» وقيعاسىنىڭ 35 جىلدىعىنا ارنالادى.
سونىمەن قاتار «Qazaqstan» ۇلتتىق تەلەارناسى ق ر تاۋەلسىزدىگىنىڭ 30 جىلدىعىنا وراي ەلدىڭ مەملەكەتتىك شەكاراسى تۋرالى «9№» اتاۋىمەن دەرەكتى فيلم ءتۇسىردى.
دەرەكتى فيلمدە ق ر تۇڭعىش پرەزيدەنتى - ەلباسى ن. نازاربايەۆتىڭ شەكارانى بەكىتۋدەگى جۇرگىزگەن رەسمي كەلىسسوزدەرى مەن قازاق ديپلوماتتارىنىڭ تاباندى ارەكەتتەرى تاريحي دەرەكتەرمەن باياندالادى.
دەرەكتى جوبا 16- جەلتوقسان 16:20 دا ەفيرگە شىعادى.