ديماش «جىبەك جولى» حالىقارالىق كينوفەستيۆالىندە ءان شىرقادى
بۇل تۋرالى Dimashnews سايتى جازدى، دەپ حابارلايدى قازاقپارات ءتىلشىسى.
ديماش قىتايدا وتكەن شارادا رەسەي كومپوزيتورى يگور كرۋتويدىڭ «سەنى ساعىنىپ ءجۇرمىن» كومپوزيتسياسىن شىرقادى. ونىڭ ءان ايتقان ءساتىن جانكۇيەرلەرى قىتايدىڭ CCTV6 ۇلتتىق تەلەارناسى اقىلى تىكەلەي ەفيردەن تاماشالادى. سونداي- اق شارادا ديماش قىتايدىڭ تانىمال ءانشىسى چان شيلەيمەن دۋەت قۇرىپ، «Heaven and Earth» اتتى ءاندى ۇسىندى.
«جىبەك جولى» حالىقارالىق كينوفەستيۆالى 2014 -جىلدان بەرى ءوتىپ كەلەدى. بۇل جولى ءداستۇرلى قىزىل كىلەممەن ۇلى جىبەك جولىنىڭ بويىندا جاتقان ەلدەردىڭ كورنەكتى ونەر قايراتكەرلەرى رەتىندە كينورەجيسسەرلەر حۋان جيانسين مەن گۋان حۋ، جازۋشى ليۋ چجەنيۋن، كينوپروديۋسەر ماركو ميۋللەر، اكتريسالار يۋي نان مەن ليان تسزين، اكتەر گونگ تسزيۋن، قازاقستاندىق ءانشى ديماش قۇدايبەرگەن ءجۇرىپ ءوتتى. شارادان كەيىن ديماش قىتاي تەلەارنالارىنىڭ بىرىنە سۇحبات بەرىپ، ءشامشى قالداياقوۆتىڭ «ءانىم سەن ەدىڭ» انىنەن ءۇزىندى شىرقادى»، - دەپ جازادى Dimashnews.