پرەزيدەنت گرانتىن يەلەنگەن ستۋدەنت «ىدىرايتىن ىدىس-اياق» ءوندىرۋدى ۇسىنادى

None
None
قوستاناي. قازاقپارات - قوستانايلىق ستۋدەنت ەزدار بەيسەنوۆ پرەزيدەنت گرانتىن جەڭىپ العان 30 جاس قازاقستاندىقتىڭ قاتارىنا كىردى، دەپ حابارلايدى قازاقپارات ءتىلشىسى.

قوستاناي جوعارى پوليتەحنيكالىق كوللەدجىنىڭ ستۋدەنتى ەزدار بەيسەنوۆ «ەكوترەند: بيولوگيالىق ىدىرايتىن ىدىس-اياق» جوباسى ءۇشىن پرەزيدەنت گرانتىن يەلەندى.

قوستانايلىقتىڭ جوباسى ەكولوگيالىق تازا جانە تەز ىدىرايتىن ىدىس-اياق وندىرۋگە باعىتتالعان، سونىمەن قاتار قازاقستان مەن بۇكىل الەمنىڭ قورشاعان ورتاسىنا تيەتىن زياندى ازايتادى.

«ءبىرىنشى كەزەكتە، مەنىڭ جوبام ەكولوگيالىق مادەنيەت جانە ىدىراۋ مەرزىمى قىسقا ەكولوگيالىق ماتەريالداردى ناسيحاتتاۋ تۋرالى. گرانتقا كەلەتىن بولسام، بۇل - مەن ءۇشىن جاقسى تاجىريبە، ءبارى جوعارى دەڭگەيدە ءوتتى. ارينە، تولقىدىم»، - دەدى ەزدار.

جەڭىپ العان 3 ميلليون تەڭگەسىن ەزدار ءوزىنىڭ جوباسىن دامىتۋعا جۇمسايدى. ءوڭىردىڭ ءبىلىم باسقارماسى ەزداردىڭ جەڭىسكە جەتۋىنە ونىڭ ۇستازدارى ج. د. كونتروبايەۆا مەن ۆ. ۆ. زادوروجنيۋكتىڭ كاسىبيلىگى مەن جوعارى ۇستازدىق شەبەرلىگى ىقپال ەتكەنىن ايتتى.

ەسكە سالايىق، 8- جەلتوقسان كۇنى مەملەكەت باسشىسى قاسىم-جومارت توقايەۆ «تاۋەلسىزدىك ۇرپاقتارى» گرانتىنىڭ يەگەرلەرىن ماراپاتتاعان بولاتىن.

سوڭعى جاڭالىقتار