قازاقستان شەنەۋنىكتەرىنىڭ جەمقورلىققا قانشالىقتى جاقىن ەكەنى تەكسەرىلەدى

نۇر- سۇلتان. قازاقپارات - ەلىمىزدە شەنەۋنىكتەردىڭ سىبايلاس جەمقورلىققا قارسى توزىمدىلىگى مەن تۇراقتىلىعىنا تەكسەرۋ جۇرمەك.

بۇل تۋرالى ق ر سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى مارات احمەتجانوۆ و ك ق- دە وتكەن باسپا ءسوز ءماسليحاتىندا ءمالىم ەتتى، دەپ حابارلايدى قازاقپارات ءتىلشىسى.

«سىبايلاس جەمقورلىققا قارسى ساياسات قىزمەتىنىڭ 2022 - 2026 -جىلدارعا ارنالعان تۇجىرىمداماسى بار. ونىڭ اياسىندا پاراقورلىقتى ازايتۋ ماقساتىندا شەنەۋنىكتەردىڭ سىبايلاس جەمقورلىققا توزبەۋىنە، تۇراقتىلىعىنا تەكسەرۋ (integrity check) جۇرگىزۋ جوسپارلانىپ وتىر. بۇل ادال ەمەس قىزمەتكەرلەردى ۋاقتىلى انىقتاۋعا جانە جۇمىستان بوساتۋعا مۇمكىندىك بەرەدى»، - دەدى مارات احمەتجانوۆ بريفينگتە.

سونداي- اق ۆەدومستۆو باسشىسى اتالعان تۇجىرىمداما اياسىندا مينيسترلەر مەن اكىمدەردى باعالاۋ جۇيەسى دە قاراستىرىلعانىن تىلگە تيەك ەتتى.

«ادامنىڭ سىبايلاس جەمقورلىق قىلمىس جاساپ، مەملەكەتكە زيان كەلتىرگەنىن كۇتپەي- اق، زاڭدى تارتىپتىك شارالار ارقىلى شىعىنسىز، تۇبەگەيلى جويۋعا بولادى. مۇنداي شارالار مەملەكەتتىك قىزمەتكە بايۋ ءۇشىن كەلۋدى توقتاتىپ، ۇزاق مەرزىمدى كەلەشەكتە پاراساتتى كاسىبي ۇرپاق قالىپتاستىرۋدى قامتاماسىز ەتەدى. سونىمەن قاتار، ءبىزدىڭ اگەنتتىك قوعام ۇنىنە قۇلاق اسۋ ءۇشىن جەمقورلىقپەن كۇرەستىڭ ۇلتتىق يندەكسىن بەكىتۋدى ۇسىنىپ وتىر. شەنەۋنىكتەر مەن قىزمەتكەرلەردى تەكسەرۋ، باعالاۋ جۇيەسى جوبالىق نەگىزدە ەنگىزىلەتىن بولادى»، - دەيدى ول. بۇعان دەيىن م. احمەتجانوۆ قازاقستاندىق شەنەۋنىكتەردىڭ جەمقورلىق جاساۋدىڭ ءتۇرلى ءادىس- تاسىلدەرىن قولداناتىنىن ايتقان ەدى.

اۆتور: ءالي يبرايەۆ