اسقار مامين اقمولا وبلىسىندا جاڭا زاۋىتتىڭ اشىلۋىنا قاتىستى
وندا جاڭا ءوندىرىستى باستاپ بەرىپ، ءوڭىر تۇرعىندارىنا مەملەكەتتىك ناگرادالاردى تابىستادى، دەپ حابارلايدى primeminister.kz.
قازاقستان تاۋەلسىزدىگىنىڭ 30 جىلدىعىنا ارنالعان سالتاناتتى شارادا سويلەگەن سوزىندە اسقار مامين اقمولا وبلىسى ەلىمىزدىڭ ماڭىزدى اگرارلىق- يندۋستريالىق وڭىرلەرىنىڭ ءبىرى ەكەنىن اتاپ ءوتتى. تاۋەلسىزدىك جىلدارىندا جالپى وڭىرلىك ءونىم $446 ميلليوننان $5,4 ميللياردقا دەيىن 12 ەسە ءوستى. جالپى ەلىمىز بويىنشا وبلىس استىق جينايتىن كومباينداردىڭ % 70- عا جۋىعىن، تراكتورلاردىڭ % 43- ىن، مامانداندىرىلعان اۆتوموبيلدەردىڭ % 47- دان استامىن، مويىنتىرەكتەردىڭ % 100- ىن، قۇرامىندا التىنى بار وندىرىلەتىن كەندەردىڭ % 45- دان استامىن، جارتىلاي وڭدەلگەن التىننىڭ % 27- عا جۋىعىن شىعارادى.
يندۋستريالاندىرۋ كارتاسىنىڭ جوبالارىن ىسكە اسىرۋ قوسىلعان قۇنى جوعارى، بۇعان دەيىن شىعارىلماعان 20-عا جۋىق جاڭا ءونىم تۇرلەرىنىڭ ءوندىرىسىن ۇيىمداستىرۋعا مۇمكىندىك بەردى. اقمولا وبلىسى ەلىمىزدىڭ ازىق- تۇلىك قاۋىپسىزدىگىن قامتاماسىز ەتۋدە ماڭىزدى ءرول اتقارادى. وبلىس ەل ىشىندە اۋىل شارۋاشىلىعىنىڭ ۇلەسى بويىنشا 5- ورىندا. ءوڭىر % 25 استام استىق (5 ميلليون توننا)، %23,5 قۇس ەتىن (80 مىڭ توننا)، % 16 جۇمىرتقا (800 ميلليون دانا) جانە % 8 ەت (150 مىڭ توننا) وندىرەدى.
ەگىستىك جەر كولەمى 5 ميلليون گەكتاردان اسادى، وبلىس اۋماعىندا 8 قۇس فابريكاسى جانە 15 ەت وڭدەۋ كاسىپورنى جۇمىس ىستەيدى. كولىك ينفراقۇرىلىمى بەلسەندى تۇردە جاڭعىرتىلۋدا، بالاباقشالار، مەكتەپتەر، مەديتسينالىق جانە سپورت وبەكتىلەرى سالىنىپ جاتىر. 6,9 ميلليون شارشى مەترگە جۋىق تۇرعىن ءۇي سالىندى. جالپى قۋاتى 290 م ۆ ت بولاتىن جاڭارتىلاتىن ەنەرگەتيكا وبەكتىلەرى ىسكە قوسىلدى. تۋريزم سالاسىندا دا ەلەۋلى وزگەرىستەر بولدى.
3 مەملەكەتتىك ۇلتتىق تابيعي پارك اشىلدى: «كوكشەتاۋ» (1996 ج. )، «بۋراباي» (2000 ج.) جانە «بۇيراتاۋ» (2011 ج.)، جالپى اۋدانى شامامەن 240 مىڭ گ ا. شۋچينسك- بۋراباي كۋرورتتىق ايماعىنىڭ اۋماعىندا 15 ميلليارد تەڭگەدەن استام سوماعا تۋريزم جوبالارى ىسكە اسىرىلدى. جالپى ينۆەستيتسيا كولەمى 100 ميلليارد تەڭگە بولاتىن بۋراباي كۋرورتتىق ايماعىن دامىتۋ جوبالارىن ىسكە اسىرۋ كوزدەلگەن.
وبلىستىڭ الەۋەتىن ارتتىرۋ شەڭبەرىندە 2025 -جىلعا دەيىن اوك، ەنەرگەتيكا، قۇرىلىس ماتەريالدارىن ءوندىرۋ، كولىك جانە لوگيستيكا جانە ت. ب. پەرسپەكتيۆالى سالالاردا جالپى سوماسى 2 تريلليون تەڭگە بولاتىن 340-قا جۋىق ماڭىزدى ينۆەستيتسيالىق جوبانى ىسكە اسىرۋ كوزدەلگەن.
مەملەكەت باسشىسى قاسىم- جومارت توقايەۆتىڭ جارلىعىنا سايكەس، ق ر پرەمەر- ءمينيسترى ا. مامين تاۋەلسىزدىك كۇنىنە وراي اقمولا وبلىسىنىڭ اۋىل شارۋاشىلىعى تاۋارىن وندىرۋشىلەرىنە، كاسىپورىنداردىڭ جۇمىسشىلارىنا، دەنساۋلىق ساقتاۋ، سپورت، باق سالاسىنىڭ وكىلدەرىنە جانە كاسىپكەرلەرگە مەملەكەتتىك ناگرادالاردى تابىستادى. «پاراسات» وردەنىمەن «ءارىپ- اگرو» ج ش س ديرەكتورى ءۋاليحان ءارىپوۆ، II دارەجەلى «دوستىق» وردەنىمەن «كازروست» كومپانيالار توبىنىڭ قۇرىلتايشىسى داۆيد بەجۋاشۆيلي، «قۇرمەت» وردەنىمەن - مىرزاباي ءابدىقالىقوۆ جانە «تۇقىم اگرو» ج ش س ديرەكتورى يگور پۋگاچيەۆ، III دارەجەلى «ەڭبەك داڭقى» وردەنىمەن - «قامقور لوكوموتيۆ» ج ش س «اتباسار ەلەكتروۆوز جوندەۋ زاۋىتى» فيليالىنىڭ اۆتوماتتى سەحىنىڭ جىلجىمالى قۇرامىن جوندەۋ سلەسارى ساكەن ءابدىراحمانوۆ جانە «ە پ ك ستەپنوگورسك» ا ق تەحنيكالىق باقىلاۋ ۋچاسكەسىنىڭ شەبەرى تاتيانا ەرباكوۆا ماراپاتتالدى.
«ەرەن ەڭبەگى ءۇشىن» مەدالىمەن «قازاقستان اگرويننوۆاتسيالىق كورپوراتسياسى» ج ش س باس ديرەكتورى ولەگ بالىبين، «ك ي 811 اۆتوجوندەۋ زاۋىتى» ا ق باس ديرەكتورى راميل بايازيتوۆ، «ك ت ك» تەلەارناسىنىڭ مەنشىكتى ءتىلشىسى ايزات دۇيسەن ماراپاتتالدى.
«شاپاعات» مەدالىمەن «قازاقستان حالىق بانكى» ا ق اقمولا وبلىستىق فيليالىنىڭ ديرەكتورى داۋلەت توپين، ق ر قۇرمەت گراموتاسىمەن جەكە كاسىپكەر بولات ءابدىراحمانوۆ، «قازاقستان رەسپۋبليكاسىنىڭ تاۋەلسىزدىگىنە 30 جىل» مەرەيتويلىق مەدالىمەن «رودينا» اگروفيرماسى» ج ش س باس ديرەكتورى يۆان ساۋەر، اقمولا وبلىسىنىڭ دەنساۋلىق ساقتاۋ سالاسىنىڭ ەڭبەك سىڭىرگەن ارداگەرى بولات ءجانادىلوۆ، جوعارى سپورت شەبەرلىگى مەكتەبىنىڭ بوكستان حالىقارالىق دارەجەدەگى سپورت شەبەرى تەمىرتاس ءجۇسىپوۆ ماراپاتتالدى.
جۇمىس ساپارى بارىسىندا ۇكىمەت باسشىسى «ENKI» ج ش س كەراميكالىق كىرپىش شىعارۋ جوباسىنىڭ II كەزەڭىنىڭ اشىلۋ راسىمىنە قاتىستى. كاسىپورىننىڭ قۋاتى - جىلىنا 30 ميلليون دانا كىرپىش. 2010 -جىلى پايدالانۋعا بەرىلگەن كىرپىش زاۋىتى جوباسىنىڭ I كەزەڭىن ەسكەرە وتىرىپ، كىرپىش ءوندىرىسىنىڭ جالپى قۋاتى جىلىنا 90 ميلليون دانانى، ال جۇمىس ورىندارىنىڭ سانى 400 قۇرايدى. زاۋىت ءونىمى ق ر ىشكى نارىعىنا جەتكىزىلەدى، سونداي- اق شەتەلگە ەكسپورتتالادى. سونىمەن قاتار پرەمەر- مينيستر اقمولا وبلىستىق تاريحي- ولكەتانۋ مۋزەيىندەگى «تاۋەلسىزدىكتىڭ 30 جىلى» جاڭا زالىمەن تانىستى.