يممۋنولوگ: ۆاكسيناتسيا - ەمدەۋدىڭ بالاماسى ەمەس

الماتى. قازاقپارات - ۆاكسيناتسيا ەمدەۋدىڭ بالاماسى ەمەس، بۇل - كوبىنە ادامداردى قورعاۋدىڭ، ولاردىڭ دەنساۋلىعى مەن ءومىرىن ساقتاۋدىڭ جالعىز ءتاسىلى.

مۇنداي پىكىردى الماتىداعى №12-ەمحانانىڭ دارىگەر- يممۋنولوگى سۆەتلانا پوستنوۆا ايتتى، دەپ حابارلايدى قازاقپارات ءتىلشىسى.

دارىگەردىڭ ايتۋىنشا، ول ءوز جۇمىسىندا كۇن سايىن ەكپە ەگۋگە قارسىلىق بىلدىرۋشىلەرمەن بەتپە- بەت كەلەدى. ونىڭ كاسىبي مىندەتتەرىنىڭ ءبىرى - ۆاكسيناتسيانىڭ قاجەتتىلىگىن ءتۇسىندىرۋ جانە دۇرىس اقپارات بەرۋ.

سۆەتلانا پوستنوۆا دەنساۋلىقتى ساقتاۋعا جانە جاڭا شتاممەن سىرقاتتانۋدىڭ ورشۋىنە جول بەرمەۋگە حالىقتى يممۋنداۋ جانە ۇجىمدىق يممۋنيتەت كومەكتەسەدى دەپ سانايدى. دارىگەر- يممۋنولوگ قولدا بار ۆاكسينالار ءتيىمدى، ولاردى بىرنەشە زەرتتەۋ توپتارى سىناقتان وتكىزگەنىن، سوندىقتان ولار رەۆاكسيناتسيا كەزىندە دە قاۋىپسىز ەكەنىن اتاپ ءوتتى.

«ۆاكسيناتسيا ەمدەۋدىڭ بالاماسى ەمەس، بۇل كوبىنەسە ادامداردى قورعاۋدىڭ، ولاردىڭ دەنساۋلىعى مەن ءومىرىن ساقتاۋدىڭ جالعىز ءتاسىلى. ۆاكسينانىڭ اسەرىن ۇزارتۋ ءۇشىن رەۆاكسيناتسيا قاجەت. ۆاكسينانىڭ قوسىمشا دوزاسىن ەنگىزۋ ادام اعزاسىندا انتيدەنەلەردىڭ بەلسەندى وندىرىلۋىنە ىقپال ەتەدى»، - دەدى سۆەتلانا پوستنوۆا.

سونىمەن قاتار، يممۋنولوگ مۇمكىندىگىنشە كوپ ادامدى، سونىڭ ىشىندە بالالاردى ۆاكسينالاۋ كەرەك ەكەنىن جەتكىزدى.

«بالالار مەن جاسوسپىرىمدەر سيمپتومدارمەن اۋىرادى، كەيبىرەۋلەرى اۋرۋحاناعا جاتقىزۋدى قاجەت ەتەدى. سونىمەن قاتار، كوروناۆيرۋستان كەيىنگى كوپ جۇيەلى قابىنۋ سيندرومى بالالارعا ءتان. بۇل ولاردى ۆاكسيناتسيالاۋدىڭ باستى سەبەبى، جاسوسپىرىمدەردى ۆاكسيناتسيالاۋ «ۇجىمدىق يممۋنيتەتتىڭ» دامۋىنا دا ىقپال ەتەدى»، - دەيدى №12-قالالىق ەمحانانىڭ دارىگەرى. مەديتسينالىق تاجىريبە كورسەتكەندەي، كوروناۆيرۋسقا قارسى ۆاكسيناتسيالانباعان ناۋقاستاردىڭ دەرتى اۋىر بولادى، سونىمەن قاتار ولار اۋىر پوستكوۆيدتى سيندرومعا يە.