انتيكور: اۋىل شارۋاشىلىعىنداعى جەمقورلىقتىڭ دەنى - سۋبسيديانى جىمقىرۋ

None
None
نۇر-سۇلتان. قازاقپارات – ق ر سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى مارات احمەتجانوۆ اۋىل شارۋاشىلىعى سالاسىن سۋبسيديالاۋ بويىنشا جۇرگىزىلگەن تالداۋدىڭ قورىتىندىسىن ءبولىستى، دەپ حابارلايدى قازاقپارات ءتىلشىسى.

«سوڭعى 5 جىل ىشىندە ەلىمىزدە اۋىل شارۋاشىلىعىن سۋبسيديالاۋعا 2 تريلليون تەڭگە بولىنگەن. وسى جىلدار ىشىندە شەنەۋنىكتەرگە قاتىستى سىبايلاس جەمقورلىققا قاتىستى بىرنەشە قىلمىستىق ءىس قوزعالدى. جالپى اۋىل شارۋاشىلىعى سالاسى بويىنشا 960 قىلمىس تىركەلگەن بولسا، ونىڭ جارتىسىنان استامى (%54) بولىنگەن سۋبسيديانى جىمقىرۋمەن بايلانىستى. جۇرگىزىلگەن تالداۋ بيۋدجەت قاراجاتىن ءجونسىز پايدالانۋدىڭ ورەسكەل فاكتىلەرىن، كوپتەگەن سىبايلاس جەمقورلىق كەستەسى مەن سۋبسيديالاردى ۇرلاۋ تاسىلدەرىن اشتى»، - دەدى م. احمەتجانوۆ و ك ق- دە وتكەن باسپا ءسوز ءماسليحاتىندا.

ونىڭ ايتۋىنشا، بۇگىندە اۋىل شارۋاشىلىعىنا قاتىستى 62 قىلمىستىق ءىس سوتتا قارالىپ جاتىر. جانە جەمقورلىق جاساۋ كۇدىگىنە ورتا بۋىندا شەنەۋنىكتەر مەن كاسىپكەرلەر ءىلىنىپ وتىر.

«وسى وراي ءبىز اۋىل شارۋاشىلىعى مينيسترلىگىنە سۋبسيديا سالاسىنداعى سىبايلاس جەمقورلىق تاۋەكەلدەرىن جويۋعا باعىتتالعان 170 ۇسىنىم جىبەردىك. اۋىل شارۋاشىلىعى سالاسىنا جاسالعان تالداۋدىڭ ماقساتى - سىبايلاس جەمقورلىقتىڭ الدىن الۋ جانە ادامداردىڭ پاراقورلىق قادامعا بارۋىن ازايتۋ»، - دەيدى ول.

ايتا كەتسەك، بۇعان دەيىن انتيكور باسشىسى سىبايلاس جەمقورلىق ءجيى بولاتىن سالالاردى اتاعان ەدى. اگەنتتىك ءتوراعاسىنىڭ ايتۋىنشا ءتىزىمىن باسىندا اۋىل شارۋاشىلىعى تۇر. ودان بولەك، م. احمەتجانوۆ قازاقستاندىق شەنەۋنىكتەردىڭ جەمقورلىققا قانشالىقتى جاقىن ەكەنى تەكسەرىلەتىنىن ايتتى.

سوڭعى جاڭالىقتار