USD 416.91 EUR 446.47
RUB 7.34 CNY 62.53
جاڭالىقتار

زەينەپ احمەتوۆا مۇشەل جاستاعى قاۋىپ-قاتەرلەردى ايتتى

9 جەلتوقسان 14:09
:ءبولىسۋ
زەينەپ احمەتوۆا مۇشەل جاستاعى قاۋىپ-قاتەرلەردى ايتتى

نۇر -سۇلتان. قازاقپارات - جازۋشى، قازاقى داستۇرلەردى ناسيحاتتاۋشى زەينەپ احمەتوۆا ادام ءۇشىن ەڭ قاۋىپتى كەزەڭدەردى اتادى.

سونىمەن قاتار مۇشەل جاس ۋاقىتىندا ادامداردىڭ قانداي امالدار جاساۋى ءتيىس ەكەنىن اتاپ ءوتتى.

باۋىرجان مومىش ۇلىنىڭ كەلىنى زەينەپ احمەتوۆا مۇشەل جاستىڭ ادامزات بالاسى ءۇشىن قاتەرلى ەكەنىن ايتادى. سوندىقتان مۇشەلگە تولعان ادام جاقسى امالدار ىستەپ، قايىرىمدىلىق جاساۋى كەرەك.

«قازاقتا مۇشەل جاس دەگەن بار. مۇشەل جاس 13 جاستان باستالادى. بۇرىندارى مۇشەلگە تولعاندا قۇدايى تاماق بەرگەن. مۇشەل جاستىڭ اۋىرلىعىنان قورىققان. باسقا ۋاقىتقا قاراعاندا مۇشەل جاستا ءولىم-ءجىتىم، قاۋىپ-قاتەر كوپ. ونى قازاق بۇرىننان بىلگەن. سوندىقتان جاقسى امالدار جاساۋعا تىرىسقان»، - دەدى ول.

ادام بالاسى مۇشەل جاسىندا كەرەكسىز كيىمدەرىن ەمەس، وزىنە ۇنايتىن كيىمدەرىن تاراتۋى كەرەك. ۇنەمى جاقسىلىق جاساۋدى ادەتكە اينالدىرۋ كەرەك.

ادامنىڭ جاس ەرەكشەلىكتەرىنە بايلانىستى اتاۋلار

«قازىر دە قۇدايى تاماق تاراتادى. ءبىراق قۇران وقىتىپ، تاماق بەرسە بولدى دەپ ويلايدى. ولاي ەمەس. سەن جىل بويى جاقسى امال جاسا. بىرەۋگە كومەكتەس. العىسىن ال. جامان كيىمدەرىڭدى ەمەس، ءوزىڭ سۇيگەن كيىمدەردى ەلگە تارات. كەرەكسىز دۇنيەلەردى ەمەس، قۇندى زاتتارىڭدى بەر. جىل بويى قايىرىمدىلىق كورسەت»، - دەدى زەينەپ احمەتوۆا.

«13-تە وتاۋ يەسى» دەگەن ءسوز وسى مۇشەلگە بايلانىستى ايتىلسا كەرەك.

«13 جاس العاشقى مۇشەل. بۇل بالانى ۇيلەندىرىپ، ايەل الىپ بەرۋدەن كەيىن شىققان ءسوز ەمەس. ادام بالالىقتان ءوتىپ، جاس ءوسپىرىم شاققا كەلگەندە، وڭ- سولىن تانىعاندا ايتىلعان ءسوز. بالاعا ۇرىسپاي نە تىم ەركەلەتپەي ونىمەن سىرلاس دوس بولۋ كەرەك. بالا ايقايمەن نە ەركەلىكپەن ەشنارسە ۇيرەنبەيدى. اقىلمەن ايتا ءبىلۋ كەرەك»، - دەدى احمەتوۆا.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات