USD 434.48 EUR 492.61
RUB 5.68 CNY 68.44
جاڭالىقتار

شەنەۋنىكتەر جەمقورلىقتىڭ الدەقايدا كۇردەلى، جاڭا جولدارىن ويلاپ تاۋىپ جاتىر - احمەتجانوۆ

9 جەلتوقسان 12:55
:ءبولىسۋ
شەنەۋنىكتەر جەمقورلىقتىڭ الدەقايدا كۇردەلى، جاڭا جولدارىن ويلاپ تاۋىپ جاتىر - احمەتجانوۆ

نۇر-سۇلتان. قازاقپارات – ق ر سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى مارات احمەتجانوۆ ەلىمىزدە سىبايلاس جەمقورلىق جاساۋدىڭ بۇگىنگى سيپاتىنا باعا بەردى، دەپ حابارلايدى قازاقپارات ءتىلشىسى.

«بۇگىندە سىبايلاس جەمقورلىق جاساۋدىڭ سيپاتى وزگەردى. جەمقورلىق قادامىنا بارۋشىلار جاڭا جاعدايعا بەيىمدەلدى. ەلىمىزدە سىبايلاس جەمقورلىق قادامى اقىلدى، كۇردەلى جانە جۇيەلى بولا باستادى. ياعني، بيۋروكراتيالىق كەدەرگىلەر ادەيى جاسالىپ، زاڭسىز بايۋ ماقساتىندا ەرەجەنى قولدان كۇردەلەندىرە تۇسەدى. سونداي-اق، كەيبىر لاۋازىمدى تۇلعالار ءىس قوزعالعان جاعدايدا ونىڭ فۋنكسيونالدىق مىندەتىنە كىرمەيتىندەي ەتىپ، جاۋاپكەرشىلىككە الماۋدىڭ تەتىگىن تاپقان. وسىلايشا، وزدەرىنە جاساندى جاعداي جاساپ وتىر. وكىنىشكە قاراي، بۇل ادەتكە، ءومىر سالتىنا اينالىپ بارادى»، - دەدى مارات احمەتجانوۆ و ك ق-دە وتكەن باسپا ءسوز ءماسليحاتىندا.

ونىڭ ايتۋىنشا، 2015 -جىلى ەلىمىزدە تىركەلگەن قىلمىستىڭ %10 ى سىبايلاس جەمقورلىققا قاتىستى بولسا، بيىل بۇل كورسەتكىش قىلمىستىڭ ۇشتەن ءبىر بولىگىن قۇرايدى.

«ادامدار شەنەۋنىكتەرگە پارا بەرۋگە سانالى تۇردە بارادى. كوبىنەسە ءارتۇرلى رۇقساتتاردى، مەملەكەتتىك قىزمەتتەردى، مەملەكەتتىك ساتىپ الۋ بويىنشا جەڭىستە جەتۋ جانە باسقالاردى قىزمەت الۋ ءۇشىن وسى قادامعا بارادى. سوندىقتان دا سىبايلاس جەمقورلىققا قارسى شارا مەن جۇيەنى جاڭالاۋ تالاپ ەتىلەدى. قازىر قولدانىستاعى زاڭ جەمقورلىقپەن كۇرەسۋگە ەمەس، ونىڭ الدىن الۋعا باعىتتالعان. سول سياقتى ءبىز الاياقتاردى اۋلاۋ عانا ەمەس، مەملەكەتتىك باسقارۋ جۇيەسىن دە جەتىلدىرۋىمىز كەرەك. سوندىقتان ءبىز زارداپتارمەن كۇرەستەن سىبايلاس جەمقورلىق تاۋەكەلدەرىن جويۋعا جانە قىلمىستىق سحەمالاردى اشۋعا كوشەمىز»، - دەيدى ول.

بۇعان دەيىن اگەنتتىك باسشىسى بيىل ەلىمىزدە ءبىر ۆيتسە- مينيستر، 13 اكىم جانە 4 سۋديا جەمقورلىق كۇدىگىمەن ۇستالعانىن ايتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات