USD 434.48 EUR 492.61
RUB 5.68 CNY 68.44
جاڭالىقتار

ءدىني ەكسترەميزمنىڭ قاۋپى كوميكس ارقىلى تۇسىندىرىلەدى

9 جەلتوقسان 11:54
:ءبولىسۋ
ءدىني ەكسترەميزمنىڭ قاۋپى كوميكس ارقىلى تۇسىندىرىلەدى

نۇر-سۇلتان. قازاقپارات - ءدىني ەكسترەميزم مەن تەرروريزمنىڭ الدىن الۋعا باعىتتالعان العاشقى قازاقستاندىق كوميكس ازىرلەندى، دەپ حابارلايدى قازاقپارات.

اقپارات جانە قوعامدىق دامۋ مينيسترلىگىنىڭ تاپسىرىسى بويىنشا دايىندالعان «MEIRMAN» اتتى كوميكستە «جۋسان» گۋمانيتارلىق- وپەراتسياسى اياسىندا ەلگە ورالعان ازاماتتاردىڭ ءومىرى ارقىلى ءدىني راديكالدى يدەولوگيانىڭ قاۋپى تۇسىندىرىلەدى.

ەكسترەميزمگە قارسى كۇرەس مەسسەدجدەرىن وسكەلەڭ ۇرپاققا جەتكىزۋ ماقساتىندا كوميكس فورماتى كەزدەيسوق تاڭدالعان جوق، سەبەبى ەكسترەميزمگە توزبەۋدى مەكتەپ قابىرعاسىنان باستاپ دامىتۋ قاجەت. ءدىني ەكسترەميزمنىڭ الدىن الۋ كونتەنتتەرىن ازىرلەۋ كەزىندە مينيسترلىك اۋديتوريانىڭ سۇرانىسىن ەسكەرە وتىرىپ، جاستار اراسىنداعى ترەندتەردى پايدالانۋ ارقىلى وقىرماندارعا جول تابۋدا. كوميكستە مەيىرمان ەسىمدى بالانىڭ سيرياداعى تەرروريستىك بەلسەندىلىك ايماعىندا باسىنان وتكىزگەن قيىندىقتارى تۋرالى باياندالادى.

مەيىرمان ءوزىنىڭ تاباندىلىعى مەن مىقتى رۋحىنىڭ ارقاسىندا قيىندىقتار مەن كەدەرگىلەردى جەڭە ءبىلىپ، وتباسىمەن قاۋىشىپ، تۋعان ەلىنە ورالادى. تۋعان جەرىندە ەرجەتىپ، بەدەلدى ازاماتقا اينالادى.

باس كەيىپكەر قازاقستاننىڭ تاۋەلسىزدىك جىلدارى قول جەتكىزگەن جەتىستىكتەرى، سونىڭ ىشىندە بەيبىتشىلىك پەن تۇراقتىلىقتىڭ قۇندىلىعىن اتاپ كورسەتەدى. «MEIRMAN» كوميكسىمەن TikTok جانە Instagram الەۋمەتتىك جەلىلەرىندە، سونداي-اق ينتەرنەت- پورتالداردا تانىسۋعا بولادى.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات