الماتىدا جاياۋ جۇرگىنشىنى اۆتوبۋس قاعىپ، مەرت قىلدى

الماتى. قازاقپارات - الماتىدا 60 جاستاعى ايەلدى اۆتوبۋس قاعىپ كەتتى. جاپا شەگۋشى وقيعا ورنىندا كوز جۇمدى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ مالىمەتىنشە، جول اپاتى بۇگىن تاڭعى ساعات 06:10 شاماسىندا ب. مومىش ۇلى كوشەسىنىڭ بويىندا بولعان.

«Saz HC 40» ماركالى اۆتوبۋس جۇرگىزۋشى ب. مومىش ۇلى كوشەسىمەن وڭتۇستىك باعىتتا كەلە جاتىپ، № 65-ۇيگە قاراما-قارسى تۇستا جاياۋ جۇرگىنشىلەر جولىنان ءوتىپ بارا جاتقان 1961 -جىلى تۋعان ايەلدى قاعىپ كەتتى. م. ەسىمدى ايەل العان جاراقاتىنان وقيعا ورنىندا كوز جۇمدى»، - دەپ حابارلادى پوليتسيادان.

اتالعان دەرەك ق ر قىلمىستىق كودەكسىنىڭ 345-بابىنىڭ 3-بولىگى بويىنشا سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىنە تىركەلدى. ساراپتاما تاعايىندالدى.